Sport

Boksierja algjeriane Imane Khelif do të ngjitet në ring dhe do të nisë rrugën si profesioniste

Ajo do të ndeshet në një aktivitet më 23 prill në Paris

17 Mars 2026, 16:35 Nga DOSJA
Boksierja algjeriane Imane Khelif do të ngjitet në ring dhe do të

FRANCE - Imane Khelif bëhet  profesioniste. Boksierja algjeriane, e cila fitoi medaljen e artë olimpike në Paris në kategorinë deri 66 kg, do të zhvillojë ndeshjen e saj të parë si profesioniste më 23 prill në Salle Wagram në Paris. Pjesëmarrja e saj në Lojëra u shoqërua me polemika për shkak të hiperandrogjenizmit të saj. 

Khelif, e cila pranoi disa javë më parë për L'Equipe se iu nënshtrua trajtimeve hormonale për të ulur nivelet e testosteronit për garat, mori licencën e saj profesionale nga Federata Franceze e Boksit. Ajo nënshkroi me John Dovi, i cili stërviti ekipin olimpik francez në Lojërat e Rios.

Boksierja algjeriane nuk ka garuar që kur World Boxing, organi qeverisës i boksit, prezantoi testet e identifikimit të seksit. World Boxing erdhi për të zëvendësuar Federatën Ndërkombëtare të Boksit (IBA), e cila në atë kohë nuk e miratoi Imanen që të garonte në dy kampionate botërore, duke pretenduar se kishin raporte që konfirmonin se algjeriania zotëronte kromozome XY, raporte që sipas saj ishin "të modifikuara".

"Meqenëse Imane nuk ka boksuar që nga Lojërat Olimpike, ideja është që ajo të rifitojë formën e saj fizike. Dhe, duke pasur parasysh performancën e saj në stërvitje, ajo do të jetë gati të luftojë për një titull shumë shpejt. 

Për këtë ndeshje të parë, ne po kërkojmë një kundërshtare të gjatë dhe atletike, jo një të shkurtër. Arena Wagram nuk është shumë e madhe, por është më mirë të mos e vendosim menjëherë në një vend të madh. Dhe do të jetë një garë vetëm për femra", tha Dovi për L'Equipe .

Khelif nuk i përjashton Lojërat e Los Angeles. "Nëse duhet të bëj testet, do t'i bëj. Nuk kam problem me këtë; e kam bërë tashmë këtë test. Kontaktova World Boxing, u dërgova historinë time mjekësore, testet e hormoneve, gjithçka", deklaroi ajo. 

Në këtë aktivitet, të organizuar nga promotori Brahim Asloum, do të marri pjesë edhe një tjetër kampione olimpike, Estelle Mossely, fituese e medaljes së artë në kategorinë -60 kg në vitin 2016 dhe e pamposhtur në boksin profesionist (11 fitore, 1 barazim), dhe Marine Beauchamp, kampione evropiane e peshave super welter.

B.T (Dosja.al)

Sondazh

Poll

MË SHUMË