Politike

Dëmet nga zjarret në verë, Rama: Janë shpallur dëmshpërblimet për 15 bashki

Gjatë fjalës së tij në podcastin 'Flasim', Rama u shpreh se të gjitha bashkitë e prekura nga zjarret kanë në dispozicion masën e përcaktuar të dëmshpërblimeve sipas dëmeve.

1 Shkurt 2026, 09:46 Nga I.A
Dëmet nga zjarret në verë, Rama: Janë shpallur
Edi Rama

TIRANË- Kryeministri Edi Rama ka deklaruar se këtë javë janë shpallur të gjitha dëmshpërblimet për 15 bashkitë e prekura nga zjarret e verës së kaluar. Gjatë fjalës së tij në podcastin 'Flasim', Rama u shpreh se të gjitha bashkitë e prekura nga zjarret kanë në dispozicion masën e përcaktuar të dëmshpërblimeve sipas dëmeve.

"Këtë javë janë shpallur edhe të gjitha dëmshpërblimet për 15 bashkitë e prekura nga zjarret e verës së kaluar për periudhën 15 qershor-15 shtator, përmes Agjencisë Kombëtare të Mbrojtjes Civile, që nga Malësia e Madhe, në Krujë, Rrogozhinë, Peqin, Tepelenë, Delvinë, Has, Kukës, Dibër, Kamëz, Librazhd, Gramsh, Maliq, Finiq dhe Dropull. Të gjitha këto territore të prekura nga zjarret kanë tanimë në dispozicion masën e përcaktuar të dëmshpërblimeve sipas dëmeve. Është bërë një punë shumë e detajuar dhe është krijuar më e rëndësishmja, e gjithë korniza për të bërë të mundur që dëmshpërblimi të shkojë aty ku duhet dhe cilido që është dëmtuar të marrë atë që i takon," tha Rama./Dosja.al

edi rama

Sondazh

Poll

MË SHUMË