Politike

"Të ngrihen ndërmarrjet e përpunimit"/ Rama: Për të marrë financime, duhet projekt i mirëmenduar

Gjatë fjalës së tij në takimin me fermerët e Divjakës, Rama u shpreh se bashkë me bashkitë duhet që të gjithë ata që kanë interes të krijojmë ndërmarrjet e përpunimit, ku bashkitë janë garante të financimeve për të marrë këto fonde.

30 Janar 2026, 10:54 Nga E.d
"Të ngrihen ndërmarrjet e përpunimit"/ Rama: Për
Foto ilustruse

DIVJAKË- Kryeministri Edi Rama deklaroi ditën e sotme se për të marrë financime, duhet projekt i mirëmenduar. Gjatë fjalës së tij në takimin me fermerët e Divjakës, Rama u shpreh se bashkë me bashkitë duhet që të gjithë ata që kanë interes të krijojmë ndërmarrjet e përpunimit, ku bashkitë janë garante të financimeve për të marrë këto fonde.

Kryeministri tha se ngritja e ndërrmarrjeve të vogla është një domosdoshmëri dhe është strategjike. 

"Mua më vjen mirë që edhe nga këto dëgjesa çfarë kemi ne në dorë si qeveri, edhe sa i përket infrastrukturës që ka të bëjë me ujitjen, kullimin, ne do e bëjmë duke i rritur financimet por për tu bërë shumë më tepër të suksesshëm në territor jo vetëm në Shqipëri duhet që secili të informohet dhe të bëjë gati atë që duhet për të marrë më shumë financim dhe kjo nuk vjen nga buxheti por nga linja e kredisë, banka e zhvillimit, agrokrediti, fondet e BE dhe të gjitha këto duan projekt. Po nuk tregove projekt, nuk merr dot lekët.

Bashkë me bashkitë duhet që të gjithë ata që kanë interes të krijojmë ndërmarrjet e përpunimit, ku bashkitë janë garante të financimeve për të marrë këto fonde. Nuk është e vështirë nëse fokusohemi te kjo. Duket e pamundur nëse presim që çfarë kemi nevojë të na e sjellë llokum shteti nga buxheti. Po të mos kishim sot një numër jo të vogël kompanish që e bëjnë këtë gjë, mund të thoshit ça po na tregon.

Ngritja e ndërrmarrjeve të vogla është një domosdoshmëri, është strategjike dhe duhet bërë tani për të mos patur asnjë problem për të qenë zot të çmimit në çdo kohë. Duke patur edhe prodhimin e freskët, edhe fabrikën për përpunim në mënyrë që asnjë gram e atij prodhimi të mos shkojë pa marrë të gjithë vlerën që meriton," tha Rama./Dosja.al

edi rama divjaka fermere

Sondazh

Poll

MË SHUMË