Politike

Rama me fermerët: Ata që duan të rriten duhet të agropërpunojnë

Gjatë fjalës së tij në takimin me fermerët e Divjakës, Rama u shpreh se  shteti ka detyrë ti qëndrojë pranë këtij sektori, sepse është një sektor që ka brishtësinë e vet.

30 Janar 2026, 10:52 Nga E.d
Rama me fermerët: Ata që duan të rriten duhet të
Edi Rama

DIVJAKË- Kryeministri Edi Rama deklaroi ditën e sotme se ata që duan të rriten duhet të agropërpunojnë. Gjatë fjalës së tij në takimin me fermerët e Divjakës, Rama u shpreh se  shteti ka detyrë ti qëndrojë pranë këtij sektori, sepse është një sektor që ka brishtësinë e vet. Rama tha se në këtë territor ka shembuj konkret suksesi dhe ka ndërmarrje bujqësore të suksesshme.

"Ça do me thënë prit një herë se duhet të na mbroni. Unë besoj se shteti ka detyrë ti qëndrojë pranë këtij sektori, sepse është një sektor që ka brishtësinë e vet, dhe për të funksionuar si duhet të mbështetet, por nga ana tjetër për t’u rritur dhe forcuar ju duhet të mendoni si të mëdhenj. Do të thotë se këtu ka shembuj, sot këtu në këtë territor ka shembuj konkret suksesi. Ka ndërmarrje bujqësore të suksesshme.

Nuk funksionon qëndrimi vetëm, po të jesh vetëm dhe të qëndrosh në ngastrën tënde, mund të shkosh deri në pikën që të mbijetosh por jo të krijosh fitim dhe të rritesh. Po të bashkohesh me tjetrin ndryshon puna. Flasim për bashkimin në interes. Prodhimin secili e bën vetë, por ama ka një koordinim me tjetrin çfarë të prodhojmë që të shesim. Siç ndodh me vajin e ullirit duhet të ndodhë edhe me të tjerat. Finacimet janë.

Ata që duan të rriten duhet të agropërpunojnë, kush ka ambicie të rritet me shpejtësi. Ne nuk bëjmë përjashtim nga ndryshimet klimatike. Pavarësisht se jemi tipa të çuditshëm, kur e shohim jashtë na duket dicka që e sjell natyra, kur e shohim këtu na duket si dicka që e sjell qeveria. Po nga ana tjetër hapja me BE kërkon të nisim përgatitjet për atë që ndodh nesër. Dhe shitja këtu ndalon nëse nuk plotësohen kushtet, sepse je pjesë e tregut të BE. Sigurisht kjo vjen pas një periudhe 15 vjeçare. Po 15 vjet kalojnë shumë shpejt," tha Rama./Dosja.al

edi rama divjake fermere

Sondazh

Poll

MË SHUMË