Politike

Malltezi publikon dokumentet për irena Gjokën: Kemi dërguar disa parashtresa, KLGJ nuk ktheu përgjigje

Me anë të një postimi në Facebook, Malltezi theksoi se nga dokumentat që i kanë dërguar, KLGJ-së nuk kanë marrë asnjë përgjigje.   

30 Janar 2026, 10:35 Nga I.A
Malltezi publikon dokumentet për irena Gjokën: Kemi dërguar disa
Jamarbër Malltezi

TIRANË- Jamarbër Malltezi dhe kryedemokrati Sali Berisha ka publikuar sot tre parashtrime që i ka dërguar në KLGJ për sa i përket Irena Gjokës. Me anë të një postimi në Facebook, Malltezi theksoi se nga dokumentat që i kanë dërguar, KLGJ-së nuk kanë marrë asnjë përgjigje.   

Postimi i Plotë:

Në 10 ditët e fundit, z.Sali Berisha dhe unë kemi dërguar në KLGJ disa parashtresa për çështjen e Irena Gjokës. KLGJ nuk na ka kthyer përgjigje.

Po publikoj këtu dy të fundit për të mos lënë hapësirë që KLGJ të thotë nuk kishim dijeni.

1. Në vendimin Panos, GJEDNJ pranon se është në përputhje me KEDNJ që Greqia në një situatë të ngjashme, largoi nga puna një police. Imagjino besueshmëria që duhet të ketë një gjyqtar.

2. Nëse Irena thotë nuk kisha dijeni për procedurat penale ku ka marrë pjesë vetë, dhe ka vendim penal, çfarë duhet të thonë gjyqtarët e larguar nga vetingu për shkelje besimi te drejtësia, për fakte para 30 vjetësh, nga persona të lidhur, që për më tepër ishin ligjëruar nga ILDKP për vite me radhë.

Çfarë gjeti Prokuroria e Përgjithshme në hetime?

Prokuroria e Përgjithshme ka faktuar se gjyqtarja Irena Gjoka ka fshehur dënimin në Greqi në formularin e saj të vetëdeklarimit. Pas përfundimit të hetimeve të thelluara 2-vjeçare, Prokuroria thekson se vendimi i autoriteteve greke, për dënimin e Irena Gjokës, me detyrë gjyqtare në GJKKO, është autentik. Po në njoftimin e saj, Prokuroria sqaron se vendimmarrja për shkarkimin e Gjokës nga detyra apo jo, i takon KLGJ-së. Prokuroria e Përgjithshme i ka kaluar KLGJ-së vendimin autentik të dënimit të Gjokës, bashkë me vendimin e autoriteteve greke për arkivimin e dënimit për shkak të mos ekzekutimit./Dosja.al

jamarber malltezi irena gjoka

Sondazh

Poll

MË SHUMË