Politike

Vizita në Strasburg/ Berisha: Denoncuam Ramën si autor kryesor të aferës së AKSHI-t

Në një prenoncim për median, Berisha u shpreh se ka falenderuar publikisht Asamblenë Parlamentare të Këshillit të Europës për qëndrimin e saj të prerë ndaj kryeminstrit Rama.

29 Janar 2026, 12:57 Nga D.S
Vizita në Strasburg/ Berisha: Denoncuam Ramën si autor kryesor të
Sali Berisha

TIRANË- Kreu i Partisë Demokratike, Sali Berisha, tha se gjatë qëndrimit në sallën e parlamentit në Strasburg, Rama u denoncua si autor kryesor i skandalit të AKSHI-t. Në një prenoncim për median, Berisha u shpreh se ka falenderuar publikisht Asamblenë Parlamentare të Këshillit të Europës për qëndrimin e saj të prerë ndaj kryeminstrit Rama.

Sipas Kryedemokratit, Shqipëria renditet në Strasburg si një nga diktaturat autoritare dhe si e  vetmja diktaturë autoritare që sipas Berishës, bazohet në drogë.

"Publikisht falënderova Asamblenë Parlamentare të Këshillit të Europës për qëndrimin e saj të prerë ndaj Ramaduros, të cilin ai e ka fshehur. Por unë falënderova të gjitha grupet parlamentare të Asamblesë, lidershipin e saj, të cilat në unanimitet i anuluan atij të gjithë takim pas fjalimit me stil Gedafi, që mbajti në Asamblenë Parlamentare të Këshillit të Europës. I falënderova për anulimin e drekës zyrtare që është në traditën e atij institucioni që shtron për kryetarët e shteteve apo të qeverive që flasin në atë sallë. I sigurova se këto akte janë një mbështetje e vërtetë për qytetarët shqiptarë.

Janë edhe një apel i rëndësishëm për ta. Gjatë qëndrimit në sallën e parlamentit u denoncua Rama si autor kryesor i aferës Balluku dhe AKSHI-t. Kërcënimi që përbën Edi Rama për vendet e Europës, duke bërë të mundur koordinatorit të tij të eksportojë të gjithë të dhnëat e internetit nga Shqipëria në duart e bandave, karteleve të drogës dhe armiqve të NATO-s. Tronditëse ishin këto lajme, tronditëse. Mund t’u them se tre ditë në sallat e tempullit të demokracisë, fantazma e kreut të organizatës kriminale, Edi Rama, ishte më e përçmuara. Shqipëria e Edi Ramës renditet aty si një nga diktaturat autoritare, por e vetmja diktaturë autoritare që bazohet në drogë," tha Berisha./Dosja.al

sali berisha vizita ne stasburg pd

Sondazh

Poll

MË SHUMË