Politike

Denoncimi i Berishës nga Strasburgu: Rama, padrino i narkoshtetit...

Sipas tij, me këtë akt Edi Rama fakton para shqiptarëve dhe komunitetit ndërkombëtar se ai është padrinoja, jo vetëm i narkoshtetit por dhe i sistemit kleptokratik që ka vendosur në Shqipëri.

28 Janar 2026, 15:11 Nga E.d
Denoncimi i Berishës nga Strasburgu: Rama, padrino i narkoshtetit...
Sali Berisha

STRASBURG- Lideri i Partisë Demokratike, Sali Berisha ka deklaruar ditën e sotme se kryeministri Rama është padrino i narkoshtetit. Nëpërmjet një videomesazhi nga Asambleja Parlamentare e Këshillit të Europës Berisha u shpreh se, dënon veprimin për bllokimin e kërkesës së Prokurorisë Speciale për arrestimin e Belinda Ballukut.

Sipas tij, me këtë akt Edi Rama fakton para shqiptarëve dhe komunitetit ndërkombëtar se ai është padrinoja, jo vetëm i narkoshtetit por dhe i sistemit kleptokratik që ka vendosur në Shqipëri. Ai tha se ky vendim është një kushtrim i madh për qytetarët shqiptarë, revoltën dhe zemërimin e tyre, që të ngrihen dhe ta largojnë nga pushteti Ramën.

Fjala e plotë:

Këtu, nga salla e Asamblesë Parlamentare të Këshillit të Europës, dënoj me forcën më të madhe aktin puçist, antikushtetues të Ramaduros dhe veglave të tij, Peleshit të parlamentit, të cilët në një vendim jashtë çdo lloji dhe kushtetute bllokoi kërkesën e Prokurorisë Speciale për arrestimin e kryehajdutes së vendit, Lubi Ballukut, vetëm e vetëm se aferat e saj janë të pandashme me aferat e Ramaduros.

Me këtë akt, Edi Rama fakton para shqiptarëve dhe komunitetit ndërkombëtar se ai është padrinoja, jo vetëm i narkoshtetit por dhe i sistemit kleptokratik që ka vendosur në Shqipëri. Me këtë akt, ai u thotë shqiptarëve se ne ju kemi vjedhur dhe do të vazhdojmë t’ju vjedhim.

Por ky vendim është një kushtrim i madh për qytetarët shqiptarë, revoltën, zemërimin e tyre, të ngrihen në revoltë dhe zemërim për të larguar një minutë e më parë këtë organizatë kriminale të kryesuar nga Edi Rama, nga pushteti.

Shqiptarët në këtë betejë kanë me vete, kanë mbështetje, kanë aleatë të gjitha institucionet ndërkombëtare dhe mbarë qytetarët e lirë në Europë dhe në botë, të cilët shohin tashmë qartë tek narkodiktatori i Tiranës një kopje siameze të Noriegës apo Maduros së Venezuelës./Dosja.al

sali berisha edi rama strasburgu

Sondazh

Poll

MË SHUMË