Politike

"Parkimi dysh, vepër penale kur pengohen ambulancat, zjarrfikëset dhe policia"/ Lamallari në Kuvend: Dekriminalizimi i 'shpifjes' për gazetarët, mbrojtje e lirisë së shprehjes

Gjatë fjalës së tij në Kuvend, Lamallari u shpreh se kjo paketë përfaqëson një politikë penale më të qartë, më koherente, më europiane dhe të bazuar mbi analiza konkrete.

27 Janar 2026, 20:45 Nga E.d

 

"Parkimi dysh, vepër penale kur pengohen ambulancat, zjarrfikëset
Foto ilustruse

 

TIRANË- Ministri i Drejtësisë Besfort Lamallari, prezantoi në Kuvend projektligjin “Për disa shtesa dhe ndryshime në ligjin nr. 7895, datë 27.01.1995 “Kodi Penal i Republikës së Shqipërisë”, i ndryshuar. Gjatë fjalës së tij në Kuvend, Lamallari u shpreh se kjo paketë përfaqëson një politikë penale më të qartë, më koherente, më europiane dhe të bazuar mbi analiza konkrete.

Ai tha se Kodi Penal përfarohet me 7 direktiva të Komisionit Europian, që lidhen me pastrimin e parave, trafikun e drogës, trafikun e qenieve njerëzore, sigurinë e BE-së. Ministri u shpreh se vëmendje e veçantë i është kushtuar edhe mbrojtjes së fëmijëve dhe grupeve vulnerabël, ku do rriten dënimet për abuzimet seksuale. 

"Në fokus të kësaj pakete janë detyrimet që ka Shqipëria në përafrim me 7 akte kyçe të aktit legjislativ europian, në kuadrin e kapitullit 24 të negociatave që kemi me Komisionin dhe vendet anëtare. Kjo paketë përfaqëson një politikë penale më të qartë, më koherente, më europiane, e bazuar mbi analiza konkrete. Në thelb, paketa konsiston në një kontribut dhe hap të matur në drejtim të shtetit të së drejtës dhe sundimit të ligjit.

Një nga shtyllat kryesore të kësaj pakete është nevoja për të adresuar disa nga pikat e ndërmjetme të identifikuara në pozicionin e përbashkët të Republikës së Shqipërisë dhe Komisionit Europian. Kodi Penal përfarohet me 7 direktiva të Komisionit Europian, që lidhen me pastrimin e parave, trafikun e drogës, trafikun e qenieve njerëzore, sigurinë e BE-së. Kjo ka qenë një analizë e përbashkët me ekspertët europianë. Këto nuk janë ndryshime formale, ato forcojnë realisht kapacitetet e shtetit shqiptar për të ndjekur krimin e organizuar dhe krimin kufitar.

Vëmendje e veçantë i është kushtuar mbrojtjes së fëmijëve dhe grupeve vulnerabël, rriten dënimet për abuzimet seksuale. Nga ana tjetër zgjerohen edhe afatet e parashkrimit për këto vepra me ndjeshmëri shumë të lartë.

Një ndërhyrje e matur dhe e domethënëse bëhet edhe në një fenomen të përditshëm që është parkimi në rresht të dytë, që trajtohet si vepër penale vetëm në ato raste kur pengohet seriozisht qarkullimi i ambulancave, zjarrfikësve dhe policinë e shtetit që mund të jetë në operacione të ndryshme.

Qeveria shqiptare ka marrë një angazhim që nuk ka ndodhur kurrë më parë: për herë të parë shteti shqiptar shkon me një nismë shumë serioze në mbrojtje të lirisë së shprehjes dhe një vendimi më demokrat që përfaqëson punën e gazetarëve, pa i vendosur ata para presionit për procesim penal, sidomos për akuzat që mund të bëhen për shpifje; nuk mund të ketë kurrsesi ndjekje penale për ta. Krahas dekriminalizimit të shpifjes për gazetarët, kemi shkuar më tej duke garantuar mbrojtje specifike për ta," tha Lamallari./Dosja.al

besfort lamallari kuvend ke

Sondazh

Poll

MË SHUMË