Aktualitet

U gjet e pajetë në banesë! "Kishte probleme shëndetësore", fqinja e 70 vjeçares në Korçë: Jetonte në kushte të vështira, djalin e kishte në burg

Në një prononcim për Top Channel, fqinja se e ndjera jetonte e vetme dhe në kushte të vështira. Ajo shtoi se Bajame Memetali vuante nga probleme shëndetësore, ndërsa djali i saj ndodhej në burg.

8 Dhjetor 2025, 12:06 Nga M.L
U gjet e pajetë në banesë! "Kishte probleme
Fqinja në Korçë

KORÇË- Një 70-vjeçare, Bajame Memetali, është gjetur e pajetë në banesën e saj në Korçë. Rasti u bë i njohur pasi fqinja e saj, e shqetësuar që nuk e kishte parë prej disa ditësh, denoncoi mungesën në polici.

Në një prononcim për Top Channel, fqinja se e ndjera jetonte e vetme dhe në kushte të vështira. Ajo shtoi se Bajame Memetali vuante nga probleme shëndetësore, ndërsa djali i saj ndodhej në burg.

“U shqetësuam se nuk e kishim parë dhe hymë në shtëpi disa fqinjë. E pamë që kishte ndërruar jetë. Ajo jetonte vetëm, djalin e kishte në burg, bashkëshorti kishte ndërruar jetë dhe nuk kishte njeri tjetër këtu. Një motër e kishte në Tiranë, por ajo vinte rrallë ta shihte. Kishte probleme shëndetësore pasi disa kohë më parë ishte rrëzuar nga kati 4 dhe nuk dilte dot nga shtëpia. Jetonte në kushte të vështira“, u shpreh fqinja.

bajame memetali

Sondazh

Poll

MË SHUMË