Aktualitet

Humbi jetën në spital pas plagosjes me thikë në zemër, përcillet për në banesën e fundit Erjon Boba

Me qindra banorë kanë marrë pjesë në ceremoninë e varrimit të 15 vjeçarit.

6 Dhjetor 2025, 13:56 Nga E. D

Humbi jetën në spital pas plagosjes me thikë në zemër,

BULQIZË- 15-vjeçari Erjon Boba, i cili ndërroi jetë në spital pas plagosjes me thikë në zemër është përciell për në banesën. 15 vjeçari i plagos rëndë nga bashkëmoshatari i tij para 10 ditësh në Shkozet të Durrësit, ku shkak ishte bërë një konflikt në rrjetë sociale. Gjithashtu bëhet me dije se qindra banorë kanë marrë pjesë në ceremoninë e varrimit të 15 vjeçarit.

Si nisi sherri mes Erjon Bobës dhe 14-vjeçarit në Durrës?

15-vjeçari Erjon Boba u plagos me thikë në pjesën e gjoksit, pranë zemrës, rreth orës 14:00 të 25 nëntorit, vetëm 20 minuta në këmbë nga shkolla “Dom Nikollë Kaçorri”, ku mësonin të dy nxënësit e përfshirë në konflikt. Sherri mes Erjonit dhe 14-vjeçar me inicialet M.K nisi nga një koment në rrjetet sociale dhe ofendimeve të vazhdueshme në shkollë, të cilat më pas degraduan në plagosje me thikë.

Dyshohet se 15-vjeçari Erjon Boba e kishte marrë në telefon autorin 14-vjeçar për të kërkuar sqarime, pasi kishte dëgjuar se ai e shante vazhdimisht në shkollë. Ata u dakorduan të takoheshin për tu sqaruar, ku të pranishëm kanë qenë dhe shokë të tjerë të dy palëve, të cilët janë marrë në pyetja nga policia për ngjarjen e rëndë.

Por takimi i tyre përfundoi me një sherr, ku 14-vjeçari me inicialet M.K e goditi Erjon Bobën katër herë me thikë, duke i shkaktuar plagë të rënda edhe në zemër. Pas plagosjes, Boba u dërgua urgjent në spitalin "Nënë Tereza" dhe iu nënshtrua një ndërhyrjeje kirurgjikale, por nuk arriti t’i mbijetojë plagëve, ku humbi jetën pas 9 ditësh në luftë me jetën./Dosja.al

erjon boba

Sondazh

Poll

MË SHUMË