Politike

Shtyhet seanca paraprake në GJKKO për kalimin ose jo për gjykim të dosjes ndaj Ilir Metës, ja kur do të mbahet e rradhës

Në proces ishte i pranishëm edhe vetë Ilir Meta, i cili ndoqi nga afër diskutimet e trupës gjykuese.

5 Dhjetor 2025, 15:27 Nga M.L
Shtyhet seanca paraprake në GJKKO për kalimin ose jo për gjykim
Ilir Meta

TIRANA- Seanca e kësaj të premteje në Gjykatën e Posaçme, ku duhej të vendosej nëse dosja ndaj Ilir Metës dhe Monika Kryemadhit do t’i kalonte gjykimit apo do të rikthehej për hetime të mëtejshme, është shtyrë. Në proces ishte i pranishëm edhe vetë Ilir Meta, i cili ndoqi nga afër diskutimet e trupës gjykuese.

Seanca e radhës është caktuar të zhvillohet më 22 dhjetor.

Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

Konkretisht, deputetja Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al

ilir meta monika kryemadhi seance ne gjkko

Sondazh

Poll

MË SHUMË