Politike

U mor e pandehur në dosjen e Erion Veliajt/ Ish-deputetja e PS-së Klotilda Bushka kërkon pushimin e çështjes

Bushka ka bërë kërkesë përmes avokatit të saj dhe ka argumentuar se çështja duhet të pushohet pasi pretendon se fakti nuk parashikohet nga ligji si vepër penale.

5 Dhjetor 2025, 11:37 Nga E. D
U mor e pandehur në dosjen e Erion Veliajt/ Ish-deputetja e PS-së
Klotilda Bushka

TIRANË- Ish-deputetja e PS-së Klotilda Bushka, e cila u mor e pandehur në dosjen e Erion Veliajt, ka kërkuar pushimin e çështjes. Bushka ka bërë kërkesë përmes avokatit të saj dhe ka argumentuar se çështja duhet të pushohet pasi pretendon se fakti nuk parashikohet nga ligji si vepër penale.

Ish-deputetja socialiste kërkon gjykim të shkurtuar dhe moskompetencë të Gjykatës së Posaçme Anti-Korrupsion (GJKKO), sipas saj, për shkak të humbjes së subjektit dhe kalim të çështjes në gjykatën e zakonshme.

Ish- deputetja e Partisë Socialiste, Klotilda Bushka është marrë e pandehur nga Prokuroria e Posaçme në kuadër të hetimeve për kryebashkiakun e Tiranës, Erion Veliajn. Sipas raportimeve, Bushka akuzohet për kryerjen e veprës penale "veprime që pengojnë zbulimin e së vërtetës".

Në një nga mbledhjet e grupit parlamentar të PS-së, Bushka i kishte mohuar akuzat e ngritura ndaj saj dhe tha se ajo e ka kushërirë ish-drejtoreshën e BYL-A-s Ina Goxhajn, të përmendur në dosjen e Veliajt-Xoxës si person i vënë nën presion nga Bushka./Dosja.al

klotilda bushka

Sondazh

Poll