Politike

"Zonat e mbrojtura nuk janë penguese të zhvillimit ekonomik"/ Rama: Sistemi i menaxhimit elektronik të të ardhurave ka sjellë hov cilësor

Rama shtoi ndër të tjera se agjencia Kombëtare e zonave të mbrojtura, i ka katërfishuar të ardhurat e veta ne tre katër vitet e fundit dhe sipas tij potenciali është shumë më i madh.

5 Dhjetor 2025, 11:33 Nga E. D
"Zonat e mbrojtura nuk janë penguese të zhvillimit
Edi Rama

TIRANË- Kryeministri Edi Rama deklaroi se zonat e mbrojtura nuk janë penguese e zhvillimit ekonomik dhe rritjes së të ardhurave, por nëse menaxhohen me zgjuarsi mund të jenë të konsiderueshme dhe të funksionojnë si burim i ri. Rama shtoi ndër të tjera se agjencia Kombëtare e zonave të mbrojtura, i ka katërfishuar të ardhurat e veta ne tre-katër vitet e fundit dhe sipas tij potenciali është shumë më i madh.

"Një gjë tjetër që koha e ka treguar më së mirë, është fakti që në zonat e mbrojtura nuk janë penguese të zhvillimit ekonomik dhe rritjes së të ardhurave. Nëse menaxhohen me zgjuarsi dhe në mënyrë kreative, por nëse administrohen si duhet në aspektin e mbledhjes së të ardhurave, të ardhurat nga këto zona mund të jenë të konsiderueshme dhe të funksionojnë si burim i ri.

Sot më vjen mirë të them që ne kemi faktikisht mbi 1 milion hektarë të përfshira në territorin e përgjithshëm të zonave të mbrojtura. Që janë gati 22 % e mbarë territorit, por nuk mjafton ta thuash në mënyrë të përgjithshme ajo që duhet është më pas futja më thellë brenda gjithë këtij territori që mblidhet në 1 mln ha, për të parë se si në cdo pjesë të tij potencialet e zhvillimit ekonomik janë po aty.

Agjencia Kombëtare e zonave të mbrojtura, i ka katërfishuar të ardhurat e veta ne tre katër vitet e fundit. Potenciali është shumë më i madh. 70 % vijnë nga tre pika, Dajti, Syri i Kaltër dhe Kune Vain. Sistemi i menaxhimit elektronik të të ardhurave ka sjellë një hov cilësor," tha Rama./Dosja.al

edi rama

Sondazh

Poll

MË SHUMË