Aktualitet

Tentoi të vidhte dy automjete në Shijak, arrestohet 54-vjeçari banues në Torino

54-vjeçari, banues në Torino të Italisë rezulton të ketë vjedhur sende me vlerë edhe në automjetin e një personi tjetër në Maminas.

2 Dhjetor 2025, 15:02 Nga E.d
Tentoi të vidhte dy automjete në Shijak,
Foto ilustruse

SHIJAK- Policia ka arrestuar ditën e sotme një 54-vjeçar. Ai u arrestua nga forcat blu, pasi tentoi të vidhte dy automjeteve në Maminas të Shijakut. 

54-vjeçari, banues në Torino të Italisë rezulton të ketë vjedhur sende me vlerë edhe në automjetin e një personi tjetër në Maminas. Policia ka shoqëruar 54-vjeçarin drejt ambienteve të komisariatit, ndërsa po heton më shumë mbi rastin. 

Njoftimi i policisë

Shërbimet e Komisariatit të Policisë Shijak, pas marrjes së njoftimit për tentativën për vjedhjen e dy automjeteve në Maminas të Shijakut, organizuan menjëherë punën për identifikimin dhe kapjen e autorit. Si rezultat i veprimeve të shpejta hetimore dhe operacionale, u bë e mundur identifikimi dhe ndalimi i shtetasit: M. S., 54 vjeç, banues në Torino, Itali.

Nga veprimet hetimore të kryera, rezultoi se ky shtetas kishte tentuar të vidhte dy automjete në Maminas, Shijak. Po nga veprimet hetimore, rezultoi se ky shtetas kishte vjedhur sende me vlerë edhe në automjetin e një shtetasi tjetër, në Maminas. Në cilësinë e provës materiale, u sekuestruan sendet e vjedhura. Materialet procedurale iu referuan Prokurorisë pranë Gjykatës së Shkallës së Parë Durrës, për veprën penale./Dosja.al

torino 54-vjeçari shijak

Sondazh

Poll

MË SHUMË