Aktualitet

Rritet çmimi i druve të zjarrit në Korçë, tregëtarët thonë se ka ardhur si pasojë e kostos së transportit

Kjo rritje e çmimeve ka sjellë shqetësim tek shumë familje, të cilat i përdorin lëndët drusore për ngrohje dhe gatim, gjatë stinës së dimrit.

31 Tetor 2025, 15:01 Nga E.d

Rritet çmimi i druve të zjarrit në Korçë,

KORÇË- Çmimi i druve të zjarrit është rritur përsëri në qarkun e Korçës. Çmimi i tyre ka arritur në 55 mijë lekë të vjetra për metër kub. Kjo rritje e çmimeve ka sjellë shqetësim tek shumë familje, të cilat i përdorin lëndët drusore për ngrohje dhe gatim, gjatë stinës së dimrit. Për banorët e qarkut të Korçës, përdorimi i druve për ngrohje është e vetmja mënyrë me të cilën mund të përballojnë të ftohtin, gjatë dimrit.

Kjo situatë rëndën më së shumti pencionistët, të cilëve ju duhet të përballen me shpenzime ekstra. Për disa banorë edhe ngrohja me energji elektrike është gati e papërballueshme, kjo për shkak të kostos së saj. Tregëtarët e lëndëve drusorë thonë se rritja e tyre, ka si shkak kryesor transportin. Kjo pasi pjesa më e madhe e lëndëve drusore, vjen nga qarqe dhe zona të tjera./Dosja.al

korçë transport kosto

Sondazh

Poll

MË SHUMË