Aktualitet

Behgjet Pacolli del nga Prokuroria e Tiranës pas 3 orësh, biznesmeni: E kam lënë në dorë të drejtësisë, aeroporti i Vlorës do bëhet, do jetë...

Sa i takon projektit të aeroportit të Vlorës, biznesmeni u shpreh me bindje se punimet do të vijojnë dhe se ky aeroport do të jetë ndoshta më i bukuri.

31 Tetor 2025, 13:38 Nga M.L
Behgjet Pacolli del nga Prokuroria e Tiranës pas 3 orësh, biznesmeni:
Behgjet Pacolli

TIRANA- Biznesmeni i njohur nga Kosova, Behgjet Pacolli, ka folur shkurt për mediat pas daljes nga Prokuroria e Tiranës, ku qëndroi për më shumë se tre orë. Pacolli deklaroi se i beson drejtësisë shqiptare dhe se çështjen e ka lënë plotësisht në dorë të institucioneve ligjzbatuese.

Sa i takon projektit të aeroportit të Vlorës, biznesmeni u shpreh me bindje se punimet do të vijojnë dhe se ky aeroport do të jetë ndoshta më i bukuri.

Pacolli: E kam lënë në dorë të drejtësisë, besoj shumë në drejtësi, do veproj ashtu siç do pasojë vendimet, aeroporti do të bëhet, do jetë aeroporti më i bukur.

Sakaq javët e fundit nuk kanë qenë aq të qeta për bizmnesmenin pasi ka patur përplasje me ortakët e tij, pjesë të koncesionarit që po ndërton aeroportin.

Në thelb të bllokimit të aeroportit të Vlorës, qëndron një konflikt mes dy aksionerëve të tij për pjesën e kuotave. Aktualisht Behgjet Pacolli zotëron 98 për qind të kuotave në në aeroportin e Vlorës, përmes shoqërisë Mabco. Ndërsa Valon Ademi me kompaninë 2A Group zotëron 2 për qind. Por Ademi pretendon se atij i takon të ketë 47 për qind të aksioneve./Dosja.al

behgjet pacolli ne prokurorine e tiranes

Sondazh

Poll

MË SHUMË