Aktualitet

"Banakier i lokalit 'Monopol!" U arrestua dje në mes të 'Myslym Shyrit' me furgonin plot me armë! Zbardhen DETAJE nga aktiviteti dhe e shkuara e Eugert Sino-s

Hetimet paraprake tregojnë se furgoni kishte qëndruar i parkuar për më shumë se një muaj në të njëjtin vend, gjë që kishte ngjallur dyshime tek uniformat blu dhe çuar në kontrollin e automjetit, ku u zbulua sasia e madhe e armëve.

30 Tetor 2025, 13:11 Nga M.L
"Banakier i lokalit 'Monopol!" U arrestua dje në mes të
Foto ilustruese

TIRANA- Detaje të reja janë zbuluar lidhur me arsenalin e armëve të gjetura një ditë më parë në një furgon të kamufluar si “Mirëmbajtja Rrugore”, në zonën e “Myslym Shyrit” në Tiranë, ku policia arrestoi 34-vjeçarin Eugert Sino. Hetimet paraprake tregojnë se furgoni kishte qëndruar i parkuar për më shumë se një muaj në të njëjtin vend, gjë që kishte ngjallur dyshime tek uniformat blu dhe çuar në kontrollin e automjetit, ku u zbulua sasia e madhe e armëve.

Sipas burimeve për mediat, Eugert Sino dyshohet të ketë lidhje me Aurel Hoxhën, një person në kërkim nga SPAK për vrasje dhe pastrim parash të përfituara nga trafiku i drogës. Sino mendohet të jetë pjesë e grupit kriminal të Hoxhës, të cilit SPAK i ka sekuetruar rreth 5 milionë euro pasuri, përfshirë lokalin “Monopol”, po në rrugën “Myslym Shyri”.

Nga dokumente rezulton se Sino ishte i punësuar si banakier nga Aurel Hoxha, fakt që ka forcuar dyshimet për lidhje të hershme mes tyre dhe për përfshirjen e 34-vjeçarit në veprimtarinë kriminale të grupit.

Aurel Hoxha, i njohur pronar i lokal “Monopol” tek rruga “Myslym Shyr”, dyshohet si personi që ka porositur rrëmbimin dhe më pas vrasjen e Klevis Lleshit. Hoxhës i janë sekuestruar dhe 13 apartamente dhe njësi, të cilat ndodhen të gjitha në zonën e Myslym Shyrit. Po ashti i janë sekuestruar dhe 32 automjete, mes të cilave një Lamborghini Urus dhe një Rolls Royce Cullinan dhe 52 llogaritë bankare./ Dosja.al

eugert sino myslym shyri tirana monopol aurel hoxha

Sondazh

Poll

MË SHUMË