Bota

TMERR në Xhamajka/ Cikloni rrëmben qindra shtëpi, 30 të vdekur dhe dhjetra të humbur nga Uragani "Melissa"

Të paktën 20 persona, përfshirë 10 fëmijë kanë vdekur dhe 10 të tjerë rezultojnë të zhdukur, pasi një lumë doli nga shtrati në Haitin jugor.

29 Tetor 2025, 19:42 Nga E.d
TMERR në Xhamajka/ Cikloni rrëmben qindra shtëpi, 30 të
pamje nga vendngjarja

XHAMAJKA- Uragamnni "Melissa" ka goditur edhe Xhamajkën. Të paktën 20 persona, përfshirë 10 fëmijë kanë vdekur dhe 10 të tjerë rezultojnë të zhdukur, pasi një lumë doli nga shtrati në Haitin jugor. Drejtori i përgjithshëm i mbrojtjes civile të Haitit, Emmanuel Pierre, tha se kërkimet për personat e zhdukur po vazhdojnë në komunitetin bregdetar të Petit Goave.

Mediat e huaja shkruajnë se lumi La Digue doli nga shtrati, duke rrëmbyer shumë shtëpi në qytetin bregdetar. Cikloni "Melissa" është më i fuqishmi që ka prekur tokën në 90 vitet e fundit, sipas një analize nga Agence France-Presse bazuar në të dhënat meteorologjike nga Administrata Kombëtare Oqeanike dhe Atmosferike e SHBA-së.

Të martën, ai goditi Xhamajkën dhe më pas Kubën, ku sipas presidentit kubanez shkaktoi dëme të konsiderueshme. Një zyrtar i OKB-së në Xhamajkë tha se dëmi i shkaktuar ishte i madh dhe cikloni "Melissa" është më të forti në historinë e vendit.

"Nga ajo që dimë deri më tani, ka pasur shkatërrime masive dhe të pashembullta të infrastrukturës, pronës, rrugëve, komunikimeve dhe energjisë. Njerëzit janë në strehimore në të gjithë vendin dhe në këtë moment, vlerësimet tona paraprake tregojnë se vendi është shkatërruar në një nivel që nuk e kemi parë kurrë më parë", tha Dennis Zulu, koordinatori i OKB-së për disa vende të Karaibeve, përfshirë Xhamajkën, përmes një videokonference nga Kingston./Dosja.al

xhamajka uragan viktima

Sondazh

Poll

MË SHUMË