Bota

PAMJET e frikshme të stuhisë më të fortë të 2025! Uragani 'Melissa' shkatërron ishullin në Karaibe, erërat e forta dhe përmbytjet i marrin jetën tre personave

Melissa është forcuar në një uragan të Kategorisë 5, me erëra me shpejtësi mbi 175 milje në orë, duke e bërë atë një nga uraganet më të forta që kanë goditur Karaibet, me parashikuesit amerikanë që paralajmërojnë për kushte "katastrofike dhe kërcënuese për jetën".

28 Tetor 2025, 08:24 Nga M.L
PAMJET e frikshme të stuhisë më të fortë të 2025!
Foto ilustruese

KARAIBE- Të paktën tre persona kanë vdekur në Xhamajka, ndërsa uragani Melissa përgatitet të zbarkojë të martën pasdite, duke sjellë erëra të forta, përmbytje dhe valë të mëdha. Autoritetet kanë urdhëruar evakuime masive dhe kanë hapur qindra strehimore.

Melissa është forcuar në një uragan të Kategorisë 5, me erëra me shpejtësi mbi 175 milje në orë, duke e bërë atë një nga uraganet më të forta që kanë goditur Karaibet, me parashikuesit amerikanë që paralajmërojnë për kushte "katastrofike dhe kërcënuese për jetën".

Ndërsa Uragani Melissa i Kategorisë 5 mbetet larg bregdetit, breza të jashtëm shiu dhe erëra të forta kanë filluar të godasin ishullin. Ekipet e emergjencës në Xhamajka kanë marrë raportime për pemë të rrëzuara, rrëshqitje dheu dhe linja energjie të rrëzuara.

"Ne kemi reaguar dhe kemi pastruar pengesat dhe ... kemi rihapur të gjitha rrugët që ishin bllokuar përveç njërës", tha Ministri i Transportit i Xhamajkës, Robert Morgan, në një konferencë për shtyp të hënën vonë.

"Ne vazhdojmë t'i nxisim njerëzit të tregojnë kujdes ekstrem ... rrëzimet e gurëve janë një kërcënim i menjëhershëm", tha ai.

Tre personat që vdiqën gjatë përgatitjeve për uraganin që po afrohej, një burrë u rrëmbye nga uji i rrëmbyeshëm ndërsa përpiqej të pastronte kanalizimet, një i dytë u plagos për vdekje nga një pemë që binte dhe një i tretë vdiq nga plagët e marra pas një aksidenti ndërsa përpiqej të rregullonte çatinë e shtëpisë së tij. Autoritetet konfirmuan se këta ishin viktimat e para të fenomenit, madje para se të arrinte në ishull. Përveç tre vdekjeve në Xhamajka, kalimi i uraganit ishte përgjegjës për katër vdekje në Haiti dhe Republikën Dominikane.

Sondazh

Poll

MË SHUMË