Politike

“Në Shqipëri nuk pati zgjedhje të lira..."/ Salianji për Raportin e OSBE/ODIHR: Kjo situatë nuk mund të pranohet, protestat janë të domosdoshme

Me anë të një postimi në Facebook, Salianji shprehet se përdorimi masiv i administratës, parave publike, presioneve dhe shantazheve ka defor

23 Tetor 2025, 14:31 Nga E. D
“Në Shqipëri nuk pati zgjedhje të lira..."/ Salianji
Ervin Salianji

TIRANË- Ish-deputeti i Partisë Demokratike, Ervin Salianji, ka reaguar pas publikimi të raportit të OSCE/ODIHR për zgjedhjet parlamentarë të 11 majit. Me anë të një postimi në Facebook, Salianji shprehet se përdorimi masiv i administratës, parave publike, presioneve dhe shantazheve ka deformuar vullnetin e zgjedhësve dhe ka prodhuar institucione ilegjitime, që nuk përfaqësojnë qytetarët.

Ai thekson se kjo situatë nuk mund të pranohet e as normalizohet dhe se protesta dhe reagimi qytetar janë të domosdoshme një orë e më parë. Në fund, Salianji nënvizoi se demokracia nuk mund të ekzistojë pa zgjedhje të ndershme dhe pa përfaqësim real të popullit.

Reagimi i Salianjit:

Në Shqipëri nuk pati zgjedhje të lira, të barabarta dhe të drejta. Këtë thotë OSCE-ODHIR në raportin final për zgjedhjet e 11 Majit! Shteti që duhet të garantojë standardet dhe të organizojë zgjedhjet, ishte vetë në garë me opozitën.

Përdorimi masiv i administratës, parave publike, presioneve dhe shantazheve ka deformuar vullnetin e zgjedhësve dhe ka prodhuar institucione ilegjitime, që nuk përfaqësojnë qytetarët.

Kjo situatë nuk mund të pranohet e as normalizohet. Protesta dhe reagimi qytetar janë të domosdoshme një orë e më parë. Demokracia nuk mund të ekzistojë pa zgjedhje të ndershme dhe pa përfaqësim real të popullit./Dosja.al

ervin salianji

Sondazh

Poll

MË SHUMË