Politike

Raporti i ODIHR/ Berisha: Në kushtet e partisë shtet kurrë nuk mund të ketë zgjedhje të tjera përveçse farsë

Gjatë një konference për mediat, Berisha akuzoi Kryeministrin Rama se i ka shndërruar punonjësit e administratës në "patronë" të votave gjatë zgjedhjeve të 11 majit.

23 Tetor 2025, 12:59 Nga E.d
Raporti i ODIHR/ Berisha: Në kushtet e partisë shtet kurrë nuk
Sali Berisha

TIRANË- Kreu i Partisë Demokratike, Sali Berisha ka treguar gjetet të cilat kanë dalë nga raporti i ODIHR mbi zgjedhjet e 11 majit. Gjatë një konference për mediat, Berisha akuzoi Kryeministrin Rama se i ka shndërruar punonjësit e administratës në "patronë" të votave gjatë zgjedhjeve të 11 majit. Kreu i opozitës deklaroi nga zyra e selisë blu, se sipas raportit faktohet se janë përdorur bonuse dhe dhurata për votën.

Berisha tha se sipas asaj çfarë ka nxjerrë raporti, në kuadër të zgjedhjeve janë falur gjoba me vlerën e 200 milionë lekëve, janë dhënë 138 licenca për 28 mijë hektarë tokë të mbjellë me kanabis dhe se janë dhënë gjithashtu 500 milionë euro prokurime në kundërshtim më ligjin për të blerë vota. Në fund Kreu i PD-së u shpreh se në kushtet e partisë-shtet, nuk mund të ketë kurrë zgjedhje të lira.

"Edi Rama paturpësisht iu drejtoi pyetjen, duke menduar se do i trembte, ku i keni faktet për ato që keni shkruar.
Igli Hasani, e keni parasysh letrën e tij kërcënuese, që e mohonin. Por në raportin që unë shpresoj të mos jetë fake, të jetë real, që është vendosur në internet, rezulton se nuk është hequr asnjë presje. Aty faktohet se në kundërshtimet me parimet ndërkombëtare, Edi Rama i ka shndërruar punonjësit e administratës në patronë të urryer të shqiptarëve për votën. Aty faktohet se janë përdorur bonuse për votën, dhuratë për votën 100 euro për pensionistët.

Faktohet se është përdorur falja e gjobave 200 milionë për votë. Faktohet se janë dhënë 138 licenca për 28 mijë hektarë tokë të mbjellë me kanabis. Pra, faktohet se u dhanë 500 milionë euro prokurime në kundërshtim më ligjin për të blerë vota. Faktohet përdorimi i punësimit të përkohshëm në mijëra raste për të blerë vota. Faktohet terrori mbi punonjësit e administratës për të votuar. Faktohen pra të gjitha mënyrat për të kontrolluar vullnetin e qytetarëve për votën. Në raport, lexojeni një frazë, po të mos bënin këto, zgjedhjet do ishin më afër zgjedhjeve të lira.

Pra, janë në Siberi krahasuar me distancën tani. Nuk janë kërkund. Janë zgjedhje farsë. Faktohet angazhimi në një seri qytetesh të karteleve të drogës dhe bandave për të rrëmbyer votën. Faktohet qëndrimi antiligjor në raport me ankesat. Angazhimi i të gjitha resurseve të administratës njëlloj si në partinë shtet. U shuan linjat e ndarjes së partisë nga shteti, thotë raporti. Vetëm ky moment është i mjaftueshëm ky element për të gjithë ata që kanë kulturën elektorale minimale për të kuptuar se zgjedhjet ishin një farsë. Në kushtet e partisë shtet kurrë nuk mund të ketë zgjedhje të tjera përveçse farsë. Kurrë nuk ka. Faktohet që Shqipëria është një diktaturë autoritare që kontrollon votën e shqiptarëve," tha Berisha./Dosja.al

sali berisha pd raporti i odihr

Sondazh

Poll

MË SHUMË