Aktualitet

I dënuar në Itali me 7.7 vjet burg për pjesëmarrje në organizatë kriminale, vihet në pranga 39-vjeçari në Shijak (EMRI)

Interpol Tirana vijon procedurat në bashkëpunim me autoritetet italiane, për ekstradimin e tij drej Italisë.

30 Korrik 2025, 09:14 Nga r.ll
I dënuar në Itali me 7.7 vjet burg për pjesëmarrje në
arrestimi

SHIJAK- Një 39-vjeçar i kërkuar nga Interpol Roma është vënë në pranga në Shijak. 

I arrestuari, Fatjan Stafa ishte shpallur në kërkim ndërkombëtar pasi Gjykata e Firences e dënoi në tetor të vitit të kaluar, me 7 vjet, 7 muaj e 12 ditë burgim, për pjesëmarrje në organizatë kriminale që trafikonte lëndë narkotike.

Interpol Tirana vijon procedurat në bashkëpunim me autoritetet italiane, për ekstradimin e tij drej Italisë.

NJOFTIMI I POLICISË:

Policia e Shtetit

Finalizohet nga Drejtoria e Forcës së Posaçme Operacionale në DPPSh, në bashkëpunim me Sektorin e Forcës së Posaçme Operacionale të DVP Durrës, operacioni policor i koduar “Operacionalja 57”.

Kapet në një fshat në Shijak, një 39-vjeçar, i dënuar në Itali, me 7 vjet, 7 muaj e 12 ditë burgim, për pjesëmarrje në organizatë kriminale që trafikonte lëndë narkotike.

Në vijim të operacioneve të njëpasnjëshme për kapjen e shtetasve të shpallur në kërkim ndërkombëtar, strukturat e Drejtorisë së Forcës së Posaçme Operacionale në DPPSh, në bshkëpunim me Shërbimet Operacionale të DVP Durrës, finalizuan operacionin e koduar “Operacionalja 57”.

Gjatë këtij operacioni, u kap në fshatin Hardhisht, Shijak, dhe u arrestua me qëllim ekstradimin në Itali, shtetasi Fatjan Stafa, 39 vjeç, banues në fshatin Pjezë, Durrës.

Ky shtetas ishte shpallur në kërkim ndërkombëtar nga Interpol Roma, pasi Gjykata e Apelit e Firences, me vendimin e datës 08.10.2024, e ka dënuar me 7 vjet, 7 muaj e 12 ditë burgim, për për pjesëmarrje në organizatë kriminale për trafikimin e lëndëve narkotike.

Interpol Tirana vijon procedurat në bashkëpunim me autoritetet italiane, për ekstradimin e këtij shtetasi.

fatjan stafa

Sondazh

Poll

MË SHUMË