Politike

Berisha: Paketa e Maleve e Ramës përpjekje për të nxitur gjakderdhje, armiqësi dhe përçarje

Kryedemokrati u shpreh se paketë mbështetet në një paligjshmëri absolute, ku Rama autorizon veten të marrë dhe të dhurojë toka që nuk i përkasin, duke shkelur traditën e ndarjes së tokës sipas trashëgimisë në veri.

17 Korrik 2025, 12:40 Nga E. D
Berisha: Paketa e Maleve e Ramës përpjekje për të nxitur
Sali Berisha

TIRANË- Kreu i Partisë Demokratike, Sali Berisha gjatë konferencës për shtyp u shpreh se Paketa e Maleve e kryeministrit Edi Rama është si një mjet për të nxitur gjakderdhje, armiqësi, urrejtje dhe përçarje në veri. Kryedemokrati u shpreh se paketë mbështetet në një paligjshmëri absolute, ku Rama autorizon veten të marrë dhe të dhurojë toka që nuk i përkasin, duke shkelur traditën e ndarjes së tokës sipas trashëgimisë në veri.

"Pas Paketës së Maleve qendron një paligjshmëri absolute sepse Edi Rama autorizon veten të marrë tokat dhe të bëjë dhuratë tokat atyre që nuk mund t’i disponojnë kurrë tokat e tyre. Veriu ka ndarë tokën sipas trashëgimisë dhe nuk kanë marrë asnjë pëllëmbë tokë nga tjetri. Çdo përpjekje për të rrëmbyer pronë private në veri është një përpjekje për të nxitur gjakderdhje, për të nxitur armiqësi, urrejtje dhe përçarje.

Në Paketën e Maleve, Edi Rama autorizon veten sikur të ishte pronar i maleve dhe alpeve dhe zonave të tjera.
Ndaj dhe unë ftoj çdo qytetar t’i përmbahet me rigorozitet të madh respektimit të të drejtës së pronësisë në çdo zonë dhe kudo. Nga ana tjetër jam i sigurt se Edi Rama do ndërsejë skuadrat e tij të trafikantëve drejt zonave malore. U bëj thirrje qytetarëve, asnjë metër katror tokë mos u shisni njerëzve të dyshimtë, njerëzve me para të pista apo me origjinë të paqartë", tha Berisha.

sali berisha

Sondazh

Poll

MË SHUMË