Politike

Berisha: Asnjë ndërtesë e prishur në Theth nuk është në zonën e mbrojtur, të gjitha janë në zonën urbane

Berisha theksoi se Kryeministri Edi Rama e ka shndërruar Thethin në një shesh shkatërrimi. 

17 Korrik 2025, 12:22 Nga E. D
Berisha: Asnjë ndërtesë e prishur në Theth nuk
Sali Berisha

TIRANË- Kreu i Partisë Demokratike, Sali Berisha, gjatë një konference për shtyp në selinë blu u shpreh se Thethi përbën në historinë e Shqipërisë një nga krimet shtetërore më të rënda dhe më të shëmtuara. Kryedemokrati theksoi se asnjë ndërtesë nuk është në zonën e mbrojtur, të gjitha ndërtimet janë në zonat urbane. Berisha theksoi se Kryeministri Edi Rama e ka shndërruar Thethin në një shesh shkatërrimi. 

"Thethi përbën në historinë e Shqipërisë një nga krimet shtetërore më të rënda, më të shëmtuara. Dëshmi e shpërthimit të urrejtjes së një njeriu që ka urrejtjen njerëzore si shtyllë kryesore të moralit të tij të kalbur.
Edi Rama e ka shndërruar Thethin në një shesh shkatërrimi, në të cilin ky fshat, kjo zonë nuk është shndërruar kurrë nga asnjë pushtues, qoftë edhe më barbarët.

Sot që flasim, në Theth janë hordhitë e ushtrisë, të cilat në kundërshtim me çdo ligj, në kundërshtim flagrant me Kushtetutën, janë shpalosur me urdhër të armikut të egër të Thethit dhe kryejnë detyrat që i ka ngarkuar Rama.
Pra, është i pabesë, i pamoral, i pafjalë. Asnjë ndërtesë nuk është në zonën e mbrojtur, të gjitha ndërtimet janë në zonat urbane.

Po, Thethi është park kombëtar, por Thethi ka një zonë urbane ku ndërtohet. Shiheni atë zonjën që ka në krah, shend e verë. Asnjë ndërtim në tokë publike, as edhe në tokën e tjetrit, të gjitha në tokën e vet. Ndërtime druri, siç përcakton rregullorja për Thethin, druri ose guri," tha Berisha. 

sali berisha

Sondazh

Poll

MË SHUMË