Politike

"Bisedimet me Shqipërinë po përparojnë më shpejt se kurrë"/ Marta Kos: Përfshirja e shoqërisë, thelbësore për përmbylljen e negociatave brenda 2027

Me anë të një postimi në rrejetet sociale Kos thekson se përfshirja e të gjithë shoqërisë do të jetë thelbësore për të arritur qëllimin e Shqipërisë që negociatat të mbyllen deri në vitin 2027.

16 Korrik 2025, 14:34 Nga E. D
"Bisedimet me Shqipërinë po përparojnë më shpejt
Marta Kos

TIRANË- Komisionerja e BE-së për Zgjerim, Marta Kos ka deklaruar se bisedimet e anëtarësimit të Shqipërisë në Bashkimin Europian po përparojnë më shpejt se kurrë. Me anë të një postimi në rrejetet sociale Kos thekson se përfshirja e të gjithë shoqërisë do të jetë thelbësore për të arritur qëllimin e Shqipërisë që negociatat të mbyllen deri në vitin 2027. Ndër të tjera ajo thotë zgjerimi është një projekt gjithëpërfshirës për shoqërinë dhe kërkohet angazhim i plotë nga e gjithë shoqëria shqiptare për të arritur objektivin ambicioz. 

"Javën e kaluar, në Parlamentin Europian, përsërita se avancimi në negociata është një shenjë e qartë e angazhimit të saj dhe mbështetjes së vazhdueshme të BE-së. Përfshirja e të gjithë shoqërisë do të jetë thelbësore për të arritur qëllimin e Shqipërisë që negociatat të mbyllen deri në vitin 2027. Përparimi i shpejtë në negociatat e anëtarësimit është një sinjal i qartë se ne qëndrojmë pranë Shqipërisë dhe jemi sinqerisht të përkushtuar për të përcaktuar një rrugë të qartë drejt anëtarësimit në BE. Zgjerimi është një projekt gjithëpërfshirës për shoqërinë dhe kërkohet angazhim i plotë nga e gjithë shoqëria shqiptare për të arritur objektivin ambicioz, por realist, të mbylljes së të gjitha kapitujve të negociatave deri në fund të vitit 2027”, ka shkruar Komisionerja e Zgjerimit në profilin e saj në Facebook.

marta kos

Sondazh

Poll

MË SHUMË