Aktualitet

"Pasi e morën peng e vranë nëpërmjet strangulimit", policia zbardh dinamikën e vrasjes së Renis Dobrës: Autorët hodhën mjetin në Liqenin e Ulzës, trupi i të riut mbeti pa rënë në uji

Ai shtoi se autorët pas vrasjes kanë tentuar të humbin gjurmët duke hedhur mjetin dhe viktimën në liqenin e Ulzës.

16 Korrik 2025, 12:05 Nga N.F

 

"Pasi e morën peng e vranë nëpërmjet
Policia

TIRANË- Drejtori i Drejtorisë Vendore të Policisë Dibër, Artion Duka gjatë konferencës për mediat ka zbuluar detaje në lidhje me vrasjen e 23-vjeçarit, Renis Dobra. Duka u shpreh i riu pasi u mor peng u vra nga autorët nëpërmjet strangulimit, mbytjes me litar. 

Ai shtoi se autorët pas vrasjes kanë tentuar të humbin gjurmët duke hedhur mjetin dhe viktimën në liqenin e Ulzës. Mjeti ka rënë në ujë kurse trupi i viktimës mbeti pranë sektorit "C" ku dhe u gjet nga autoritetet.

"Nga hetimet e thelluara të kryera nga grupi i posaçëm hetimor, në drejtimin e Prokurorisë, rezultoi se më datë 08.07.2025, rreth orës 22:10 në fshatin Zenisht, Burrel, shtetasi R. D. është marrë peng dhe me pas është vrarë, nëpërmjet strangulimit (mbytjes me litar).

Autorët, pas vrasjes, e kanë hedhur automjetin e 23-vjeçarit, bashkë me trupin e pajetë të tij, me qëllim që të binin në liqenin e Ulzës. Gjatë rënies, trupi i 23-vjeçarit ka mbetur pranë sektorit "C", pa rënë në liqen, ndërsa automjeti ka rënë në liqen, ku dhe u gjet.

Nga informacionet e siguruara rezulton se 4 shtetasit që kanë marrë pjesë në vrasjen e 23-vjeçarit, nuk kanë qenë të veshur me uniformë policie, si dhe nuk kane përdorur asnjë logo apo automjet te Policisë," tha policia.

vrasja e renis dobres

Sondazh

Poll

MË SHUMË