Aktualitet

Vrasja e 23-vjeçarit/ "Nuk kanë përdorur asnjë logo apo automjet të Policisë," Duka: Nga operacioni u sekuestruan 20 celularë, 7 automjete dhe lënde narkotike!

Duka u shpreh se autorët e vrasjes nukkanë përdorur asnjë logo apo automjet të Policisë.

16 Korrik 2025, 12:00 Nga N.F
Vrasja e 23-vjeçarit/ "Nuk kanë përdorur asnjë logo
Policia

TIRANË- Drejtori i Drejtorisë Vendore të Policisë Dibër, Artion Duka gjatë konferencës për mediat ka zbuluar detaje në lidhje me vrasjen e 23-vjeçarit, Renis Dobra. Duka u shpreh se autorët e vrasjes nukkanë përdorur asnjë logo apo automjet të Policisë.

Ai më tej bëri me dije se gjatë operacionit janë sekuestruar 20 celularë, 7 automjete, një shumë eurosh, një sasi lënde narkotike Kokainë, si dhe prova të tjera të cilat do t’i shërbejnë hetimeve. Shkak i ngjarjes së rëndë dyshohet se ka qenë një mosmarrëveshje që lidhen për veprimtari kriminale në fushën e narkotikëve.

"Autorët, pas vrasjes, e kanë hedhur automjetin e 23-vjeçarit, bashkë me trupin e pajetë të tij, me qëllim që të binin në liqenin e Ulzës. Gjatë rënies, trupi i 23-vjeçarit ka mbetur pranë sektorit "C", pa rënë në liqen, ndërsa automjeti ka rënë në liqen, ku dhe u gjet.

Nga informacionet e siguruara rezulton se 4 shtetasit që kanë marrë pjesë në vrasjen e 23-vjeçarit, nuk kanë qenë të veshur me uniformë policie, si dhe nuk kane përdorur asnjë logo apo automjet te Policisë.

23-vjeçari ka qenë i dënuar në Gjermani, për shpërndarje të lëndëve narkotike, në kuadër të grupit të strukturuar kriminal. Ai dyshohet se me 4 shtetasit e lartpërmendur, autorë të dyshuar të vrasjes, ka patur mosmarrëveshje që lidhen për veprimtari kriminale në fushën e narkotikëve. Gjatë periudhës hetimore dhe veprimeve operacionale u sekuestruan 20 celularë, 7 automjete, një shumë eurosh, një sasi lënde narkotike Kokainë, si dhe prova të tjera të cilat do t’i shërbejnë hetimeve," tha policia.

vrasja e renis dobres policia

Sondazh

Poll

MË SHUMË