Aktualitet

"Manipulim dhe deklarim i rremë!" Miku i Ramës dhe krijuesi i planint urbanistik të Tiranës, arkitekti Stefano Boeri vihet sërish nën hetim në Itali

Mediat italiane shkruajnë se Boeri është nën hetim nga Njësia e Policisë Financiare e Guardia di Finanza (Policia Financiare Italiane) mbi planifikimin urban të Milanos.

16 Korrik 2025, 10:46 Nga N.F
 
"Manipulim dhe deklarim i rremë!" Miku i Ramës dhe krijuesi
Stefano Boeri

ITALIA- Arkitekti italian Stefano Boeri, i cili ka qenë dhe një nga arkitektët kryesor të planit Urbanistik të Tiranës dhe i njohur si mik i kryeministrit Edi Rama, është vënë sërish në hetim në Itali. Mediat italiane shkruajnë se Boeri është nën hetim nga Njësia e Policisë Financiare e Guardia di Finanza (Policia Financiare Italiane) mbi planifikimin urban të Milanos.

Bëhet me dije se ai është nën hetim pa kërkesë për paraburgim. Ndër projektet në qendër të hetimit të ri është rindërtimi i Pirellino-s. Boeri akuzohet në dy procedura të tjera në Milano: për manipulim ofertash dhe deklarata të rreme në rastin e Bibliotekës Evropiane të Informacionit dhe Kulturës, dhe për ndërtim të paligjshëm në projektin Bosconavigli.

Si pjesë e hetimit më të fundit nga Njësia e Policisë Financiare mbi planifikimin urban të Milanos, Zyra e Prokurorit Publik të Milanos ka kërkuar masën "arrest shtëpiak" për Këshilltarin Giancarlo Tancredi dhe sipërmarrësin Manfredi Catella, themelues dhe drejtor ekzekutiv i Grupit Coima. Gjithashtu bëhet me dije se katër kërkesa të tjera kanë të bëjnë me masën "arrest në burg".

manfredi catella boeri

Sondazh

Poll

MË SHUMË