Aktualitet

Hapet për herë të parë gara për drejtor të Departamentit të Sigurisë Publike në Policinë e Shtetit/ Kandidatët afat deri më 15 korrik, ja cilët janë kriteret që duhet të ketë

Një nga kriteret është, që oficeri i policisë që do të shfaqë interes duhet të ketë domosdoshmërisht gradën “Drejtues” ose “Drejtues i Parë”.  Gjithashtu përveç këtij kriteri, aplikanti duhet të ketë shtetësi shqiptare dhe të mos jetë dënuar me vendim të formës së prerë.

8 Korrik 2025, 11:12 Nga E. D
Hapet për herë të parë gara për drejtor të
foto ilustruese

TIRANË- Gara për drejtor të Departamentit të Sigurisë Publike në Policinë e Shtetit është hapur ditën e sotme. Bëhet e ditur se afati i fundit për aplikantët është data 15 korrik. Një nga kriteret është, që oficeri i policisë që do të shfaqë interes duhet të ketë domosdoshmërisht gradën “Drejtues” ose “Drejtues i Parë”.

Gjithashtu përveç këtij kriteri, aplikanti duhet të ketë shtetësi shqiptare dhe të mos jetë dënuar me vendim të formës së prerë. Po ashtu aplikanti brenda tre viteve të fundit, nuk duhet të ketë marrë masa disiplinore për shkelje të rënda, duhet të jetë në gjendje të mirë shëndetësore për ushtrimin e detyrës, si dhe të mos ketë konflikt interesi në përputhje me legjislacionin përkatës.

Pas përfundimit të fazës së aplikimeve, do të nisë verifikimi i dokumentacionit, ndërsa më pas komisioni do të kryejë intervistimin dhe pikëzimin e tyre.

policia tirane

Sondazh

Poll

MË SHUMË