Aktualitet

I dyshuar për vrasjen e drejtorit të policisë së Vlorës, nis gjykimi në mungesë për Bledar Jambellin

Vrasja e Artan Çuku ndodhi në 2017 në rrugën e “Kosovarëve”, ndërsa Bledar Jambelli u arrestua në Greqi në vitin 2018, si organizator dhe financues i krimit.

20 Maj 2025, 15:37 Nga M.B
I dyshuar për vrasjen e drejtorit të policisë së
Artan Çuku dhe Bledar Jambelli

TIRANA- Në Gjykatën e Tiranës u zhvillua në mungesë gjykimi për Bledar Jambellin, i akuzuar si porositës i vrasjes së ish-drejtorit të policisë së Vlorës Artan Çuku teksa pritet që prokurori të paraqite konkluzionet përfundimtare ku do të kërkonte edhe dënimin, por mësohet seanca u shtyu për në 3 qershor.

Vrasja e Artan Çuku ndodhi në 2017 në rrugën e “Kosovarëve”, ndërsa Bledar Jambelli u arrestua në Greqi në vitin 2018, si organizator dhe financues i krimit. Drejtësia greke refuzoi ekstradimin dhe vendosi ta lirojë nga qelia për ta arrestuar sërish në vitin 2022 në Athinë për një ngjarje të rëndë me pasojë plagosjen e 5 personave.

Nga ana tjetër Mikel Shallari, i cili u arrestua vetëm pak ditë pas krimit si personu që kreu vrasjen, vendosi të bashkëpunojë me Prokurorinë, duke treguar marrëveshjen e bërë me Jambellin për vrasjen. Shallari u dënua me vetëm 8 vite burgim, për shkak se ai kishte përfituar statusin e bashkëpunëtorit të Prokurorisë.

Arsyeja e vrasjes së Çukut ishte arrestimi që ish-kryekomisari Cuku i ka bërë porositësit Bledar Jambelli në vitin 2012, të akuzuar për vrasjen e Armando Delajt po atë vit, për të cilën, Jambelli u lirua dy vite më pas nga gjykata, madje mori edhe mbi 500 mijë lekë dëmshpërblim nga shteti.

bledar jambelli

Sondazh

Poll

Aktualitet 20 Maj 2025, 14:46 N.F

Tregu postar u rrit me 11% vitin e kaluar

Foto TIRANË- Tregu i shërbimeve postare u rrit vitin e kaluar, duke arritur nivelin më të lartë në katër vitet e fundit....