Aktualitet

Aksident i rëndë në Sarandë, automjeti përfundon në kanal, humb jetën punonjësi i policisë

Bëhet me dije se në automjet udhëtonin 3 persona mes tyre dhe një 47-vjeçar punonjës policie i cili ka ndërruar jetë në vendngjarje, si pasojë e dëmtimeve të marra.

15 Maj 2025, 13:39 Nga M.B
Aksident i rëndë në Sarandë, automjeti përfundon
Foto ilustruese

SARANDA- Një aksident i rëndë është regjistruar në aksin rrugor Borsh–Fterrë, nga ku mësohet se drejtuesi i një automjeti tip “Toyota” ka humbur kontrollin mbi drejtimin e mjetit dhe si pasojë, ka dalë nga rruga duke përfunduar në një kanal anësor. Bëhet me dije se në automjet udhëtonin 3 persona mes tyre dhe një 47-vjeçar punonjës policie i cili ka ndërruar jetë në vendngjarje, si pasojë e dëmtimeve të marra. Gjithashtu mësohet se 2 personat e tjerë janë dërguar në spital, në gjendje të rëndë shëndetësore.

Njoftimi:

Sarandë/Informacion paraprak

Sot, rreth orës 12:00, në aksin rrugor Borsh–Fterrë, drejtuesi i një automjeti tip “Toyota” dyshohet se ka humbur kontrollin mbi drejtimin e mjetit dhe si pasojë, ka dalë nga rruga duke përfunduar në një kanal anësor.

Në automjet udhëtonin tre shtetas, konkretisht R. X., V. Th., dhe E. M., rreth 47 vjeç (punonjës policie), ky i fundit ka ndërruar jetë në vendngjarje, si pasojë e dëmtimeve të marra.

Dy shtetasit e tjerë janë dërguar në spital, në gjendje të rëndë shëndetësore.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit, si dhe përcaktimin e drejtuesit të mjetit në momentin e ngjarjes.

aksident

Sondazh

Poll

MË SHUMË