Politike

"Krimi elektoral në vend nuk hetohet", Alimehmeti: Nëse nuk ka zgjedhje të lira, nuk ka shtet normal

Alimehmeti tha se Partia Demokratike ka pasur programin më të mirë në vend, por kjo nuk ka mjaftuar për të sjellë ndryshimin për shkak të problemeve serioze në procesin zgjedhor.

14 Maj 2025, 16:17 Nga r.ll
"Krimi elektoral në vend nuk hetohet", Alimehmeti: Nëse nuk
ilir alimehmeti

TIRANË -Kandidati i PD-së për deputet në qarkun e Tiranës, Ilir Alimehmeti ka folur sot lidhur me zhvillimin e procesit zgjedhor në vend. Alimehmeti, i cili është dhe një nga kandidatët më të votuar të PD në qarkun e Tiranës, tha se sheh me shqetësim mungesën e hetimit të krimit elektoral në Shqipëri.

I ftuar në News 24, Alimehmeti theksoi se demokracia në vend është në rrezik nëse nuk garantohen zgjedhje të lira dhe të ndershme. Sipas tij, Partia Demokratike ka pasur programin më të mirë në vend, por kjo nuk ka mjaftuar për të sjellë ndryshimin për shkak të problemeve serioze në procesin zgjedhor. Duke folur për të ardhmen dhe sfidat që e presin vendin, ai theksoi se pa zgjedhje të lira nuk mund të ketë një shtet normal.

"PD ka pasur programin më të mirë në Shqipëri. Krimi elektoral në vend nuk hetohet. Pasi vdes pacienti, shfaqet mjeku. Drejtësia duhet të jetë efektive dhe në kohë të shpejtë. Janë dëbuar 1 milionë shqiptarë nga vendi në 12 vite. Kapet ajo hallka e fundit, ndonjë numërues a komisioner. Shqipëria 2025 nuk është ajo që dua unë. Kombi shqiptar po shuhet. Ne të gjithë luftuam për Partinë Demokratike. Nëse nuk ka zgjedhje të lira, nuk ka shtet normal.", u shpreh Alimehmeti. 

ilir alimehmeti

Sondazh

Poll

MË SHUMË