Politike

PS shpallet fituese në Kombinat, Gonxhe: Rikonfirmohet si njësia bashkiake me rezultatin më të mirë

Sipas tij, Kombinati nuk është një nga zonat më lehta në kryeqytet, sepse ka pasur problematika dhe halle që lidhen me rindërtimin.

13 Maj 2025, 20:59 Nga r.ll
PS shpallet fituese në Kombinat, Gonxhe: Rikonfirmohet si njësia
blendi gonxhe

TIRANË- Partia Socialiste është konfirmuar forca fituese në Kombinat. Ministri Blendi Gonxhe u shpreh se kjo njësi bashkiake është ajo me rezultatin më të mirë brenda njësive urbane.

Sipas tij, Kombinati nuk është një nga zonat më lehta në kryeqytet, sepse ka pasur problematika dhe halle që lidhen me rindërtimin.

REAGIMI I PLOTË: 

Është një ditë e bukur për ne socialistët e Kombinatit, sepse rikonfirmohet si njësia bashkiake me rezultatin më të mirë brenda njësive urbane që kanë dendësinë më të madhe të popullsisë me diference prej rreth 6% me mesataren e këtyre njësive dhe diferencë rreth 7% me mesataren e qarkut. Po njoftojmë fitoren e PS në kombinat që nuk është një nga zonat më lehta në kryeqytet, sepse ka pasur problematika dhe halle që lidhen me rindërtimin. Ne kemi pasur një rënie të numrit të votuesve për shkak se nga Kombinati, nga njësia 6 shkojnë drejt njësisë 14, disa mijëra votues me pasaportizimin atje, pasi ajo njësi është krijuar nga njësia 6. Dhe kemi pasur mbi 4 mijë votues të cilët nga censuset tona janë shumica socialistë, që janë te njësitë e tjera. Nga pikëpamja e pjesëmarrjes e dinim që do të kishim një rënie. Rënia në pjesëmarrje në rastin tonë është përkthyer në një bojkot të opozitës. Jemi më mirë edhe se viti 2021. Jemi në 54.5% kur kemi qenë 53.5% si PS në 2021 (të dhënat e orës 16:00 - në përditësim). Jemi në rritje shumë të rëndësishme krahasuar dhe me njësitë e tjera bashkiake. Kemi regjistrim të lartë nga njësia 6 për Diasporën dhe rezultatin e presim tani. Ne kemi regjistruar gati mbi 5,000 bashkëkombës në nivel kombëtar, gati 2,000 në rang qarku dhe mbi 1,500 në rang njësie. Të gjitha këto bashkë bëjnë që të jemi shumë krenarë!

blendi gonxhe

Sondazh

Poll

MË SHUMË