Politike

Rezultati i zgjedhjeve/ Berisha lajmëron protestë më 16 maj, ditën e Samitit të Komunitetit Politik Evropian në Tiranë: Do të jetë paqësore

Berisha tha se protesta do të jetë paqësore dhe se garanton se nuk do ketë probleme që të cenojnë në shkallën më të vogël sigurinë e liderëve europianë që pritet të mbërrijnë në kryeqytet.

13 Maj 2025, 13:52 Nga M.B
Rezultati i zgjedhjeve/ Berisha lajmëron protestë më 16 maj,
Sali Berisha

TIRANA- Kreu i Partisë Demokratike Sali Berisha ka deklaruar sot se më 16 maj, ora 17:00, PD do të zhvillojë një protestë në Tiranë pas daljes së rezultatit të zgjedhjeve të 11 majit. Data e protestës përkon me ditën kur në Tiranë do të zhvillohet edhe samiti i Komunitetit Politik Evropian (KPE). Berisha tha se protesta do të jetë paqësore dhe se garanton se nuk do ketë probleme që të cenojnë në shkallën më të vogël sigurinë e liderëve europianë që pritet të mbërrijnë në kryeqytet.

"Libri i zi i këtyre zgjedhjeve shkruhet me datën 16 në ora 17:00 në Bulevardin e Parë për të sensibilizuar opinionin publik botëror mbi krimet monstruoze të përbindëshit elektoral Edi Rama, që nuk respekton asnjë rregull, asnjë ligj kombëtar dhe ndërkombëtar për zgjedhjet. Protesta do të jetë paqësore. Ne garantojmë se nuk do ketë probleme që të cenojnë në shkallën më të vogël sigurinë e dinjitarëve që vijnë, por duam që ata të mësojnë se kanë qenë të ftuar nga një narkodiktator që nuk njeh ligj as moral për votën dhe vullnetin e qytetarëve të tij", tha Berisha.

 

sali berisha

Sondazh

Poll

MË SHUMË