Politike

Berisha nuk njeh rezultatin e zgjedhjeve: U diktuan nga krimi dhe bandat e qeverisë

Ai deklaroi se zgjedhjet u diktuan nga krimi dhe bandat e qeverisë që sipas tij ishin aktive në 10 qarqe të Shqipërisë, në 20 bashki dhe ato patronuan 30 deputetë të mazhorancës.

13 Maj 2025, 13:41 Nga M.B
Berisha nuk njeh rezultatin e zgjedhjeve: U diktuan nga krimi dhe bandat e
Sali Berisha

TIRANA- Kreu i Partisë Demokratike Sali Berisha ka dalë sot në një konferencë për shtyp ku mbajti hapur qëndrimin e mosnjohjes së zgjedhjeve të 11 maj. Ai deklaroi se zgjedhjet u diktuan nga krimi dhe bandat e qeverisë që sipas tij ishin aktive në 10 qarqe të Shqipërisë, në 20 bashki dhe ato patronuan 30 deputetë të mazhorancës.

"Zgjedhjet e 11 majit u diktuan të gjitha nga krimi, bandat e qeverisë ishin aktive në 10 qarqe të Shqipërisë, në 20 bashki dhe ato patronuan 30 deputetë të mazhorancës kriminale. Skenat që ju patë në Vorë ku banda e Xhbaftit diktoi në mënyrë të dhunshme vullnetin e qytetarëve të Vorës në të cilat kryebanditi Blendi Xhabafti mori vot amë shumë se kandidati i dytë në listë.

Kuptoni vetë se si janë zhvilluar zgjedhjet. Po skena si Vora ishin të zakonshme në një seri qarqesh të tjera Durrës, Peshkopi, Elbasan,Fier dhe zona të tjera. Pra, në çdo aspekt, këto ishin zgjedhjet më të grabitura, më të plaçkitura dhe më të dhunuara në tërë historinë elektorale të Shqipërisë", tha Berisha.

sali berisha

Sondazh

Poll

MË SHUMË