Politike

Deputetja në Kosovë: Në veri mund të ketë sërish provokime nga Serbia

Musliu tha se është thënë që prapa sulmit të kanalit në Ibër-Lepenc qëndron Millan Radojiçiç.

18 Dhjetor 2024, 17:18 Nga E. D
Deputetja në Kosovë: Në veri mund të ketë sërish
Ganimete Musliu

PRISHTINË- Kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, tha se prapa sulmit në kanalin e Ibër-Lepencit qëndron Milan Radojiçiç, i mbështetur nga Serbia. Pas mbledhjes së Komisionit për Mbikëqyrjen e AKI-së, ajo theksoi se në komunat veriore ka ende provokime e tensione të nxitura nga shteti serb. 

Gjithashtu Musliu tha se është thënë që prapa sulmit të kanalit në Ibër-Lepenc qëndron Millan Radojiçiç. Po ashtu në mbledhjen e këtij komisioni është diskutuar edhe për prezencën e drogave sintetike në shkollat e vendit. 

"Diskutuam për të gjitha çështjet të cilat kanë të bëjnë me sigurinë e vendit. Sa i përket raportimit të drejtorit, gjendja e sigurisë në Kosovë është stabile me provokime të mundshme nga ana e Serbisë. Në bazë të asaj se çfarë u tha nga drejtori i AKI-së në këtë takim, prapa atij sulmi qëndron Radojiçiç i mbështetur nga shteti serb... Unë ndaj aq sa më lejohet, vetë fakti që drejtori ishte në një raportim para Komisionit Parlamentar nuk mund të jap një deklaratë të pa faktuar dhe të pa bazuar”, tha Musliu para mediave.

ganimete musliu

Sondazh

Poll

MË SHUMË