Politike

Takimi mes kryenegociatorëve në Bruksel/ Bislimi: Tajtuam tema të rëndësishme, Lajçak dënoi sulmin e Ibër-Lepencit

Kryenegociatori i Kosovës tha se kanë diskutuar edhe shkeljet e fundit të Serbisë.

17 Dhjetor 2024, 22:01 Nga ZH.LL
Takimi mes kryenegociatorëve në Bruksel/ Bislimi: Tajtuam tema të
Bislimi

BRUKSEL- Kryenegociatori i Kosovës, Besnik Bislimi ka dhënë të tjera detaje nga takimi i sotëm në Bruksel. Bislimi ka deklaruar se në takim janë trajtuar tema të ndryshme të rëndësishme për të dyja vendet.

Kryenegociatori i Kosovës tha se kanë diskutuar edhe shkeljet e fundit të Serbisë. Ndërsa sa i përket sulmit terrorist të 29 nëntorit, Bislimi deklaroi se emisari i BE-së Lajçak ka dënuar sulmin në kanalin ujit të Ibër-Lepencit.

“Në takimin bilateral kemi trajtuar tema të ndryshme të rëndësishme, ku te Marrëveshja për Menaxhimin e Përbashkët të Kufirit (IBM) kemi diskutuar për mundësinë e riaktivizimit të grupit të përbashkët për implementim, në mënyrë që të trajtohen temat me rëndësi, si ajo e aktivizimit të pikave kufitare në Izovr dhe Kapi, mundësia e hapjes së pikave kufitare sezonale në Mohovc, Breznicë dhe Dobrosin.

Kemi adresuar edhe fushën e energjisë, ku i kemi potencuar shkeljet e fundit të Serbisë, sidomos mosaktivizimin e linjave të interkoneksionit, po ashtu edhe sabotimin që Serbia po ia bën marrëveshjeve të Brukselit, duke insistuar në fusnota të shpikura në marrëveshjet regjionale.", tha Bislimi.

Po ashtu, Bislimi theksoi se një temë me rëndësi që u diskutua ishtë dhe ajo e vizitave zyrtare. Bislimi sqaroi se ka brenga në BE që disa vizita po refuzohen pa sqarime.

“Po ashtu e kemi trajtuar edhe temën e vizitave zyrtare, ku ka brenga që disa vizita po refuzohen pa sqarime shtesë, një praktikë që e ka instaluar Serbia që moti”, tha ai.

Takimi i sotëm, mes kryenegociatorëve të Kosovës dhe Serbisë, mund të jetë i fundit takim i ndërmjetësuar nga emisari i BE-së, Miroslav Lajçak. Diplomatit europian do t'i përfundojë mandati në fund të muajit janar.

Ndërkohë, më herët u raportua se gjatë takimit të sotëm, gjithashtu u arrit pajtim në zbatimin e plotë në çështjen për personat e pagjetur.

 

besnik bislimi

Sondazh

Poll