Politike

Kur do të bëjë rekurs për masën e sigurisë? Kryemadhi: Do pres zbardhjen e vendimit për Berishën në Kushtetuese

17 Dhjetor 2024, 12:36 Nga r.ll
Kur do të bëjë rekurs për masën e sigurisë?
monika kryemadhi

TIRANË- Deputetja e Partisë së Lirisë, Monika Kryemadhi tha sot pas daljes nga GJKKO se pret zbardhjen e vendimit për kreun e PD-së, Sali Berishën në Kushtetuese, për të bërë rekursin për masën “detyrim paraqitje” në Gjykatën e Lartë. Kjo sepse sipas deputetes, rasti i saj është i lidhur me Berishën prej statusit të deputetit. 

"Me datë 6 dhjetor u mor vendimi, kemi 35 ditë kohë që të bëjmë rekursin në Gjykatë të Lartë. Për masën time të sigurisë po pres të zbardhet vendimi i Gjykatës Kushtetuese të doktor Berishës se janë të lidhura me statusin e deputetit.", tha Kryemadhi.

Ndaj deputetes së PL-së, është caktuar masa e detyrimit të paraqitjes, pasi është aktualisht nën hetim për kryerjen e veprave penale; “Korrupsioni pasiv i funksionarëve të lartë shtetërorë ose të zgjedhurve vendorë” në 2 raste dhe në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim, dhe “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi që ka detyrimin ligjor për deklarim”.

monika kryemadhi

Sondazh

Poll

MË SHUMË