Politike

Kurti nuk u paraqit në Prokurorinë Speciale, zëdhënësi i qeverisë: Kryeministri ka shprehur gatishmërinë t’i presë prokurorët në zyrën e tij

Zëdhënësi i qeverisë, Përparim Kryeziu, ka thënë se Prokuroria Speciale është njoftuar më parë për vizitën zyrtare të kryeministrit jashtë vendit. 

16 Dhjetor 2024, 11:36 Nga r.ll
Kurti nuk u paraqit në Prokurorinë Speciale, zëdhënësi
albin kurti

KOSOVË- Kryeministri i Kosovës, Albin Kurti, nuk është paraqitur sot në Prokurorinë Speciale për të dëshmuar, pasi ndodhet në një vizitë zyrtare jashtë vendit. 

Lidhur me këtë ka reaguar edhe zëdhënësi i qeverisë, Përparim Kryeziu, i cili ka thënë se Prokuroria Speciale është njoftuar më parë për vizitën e kryeministrit. Më tej, ai shprehet se kryeministri ka shprehur gatishmërinë t'i presë prokurorët në zyrën e tij në një ditë dhe orë të dakorduar mes palëve.

“Prokuroria Speciale, përkatësisht prokurorët e rastit janë njoftuar se për shkak që kryeministri është jashtë vendit me agjendë të konfirmuar kohë më parë, ai nuk mund të jetë i pranishëm sot sipas ftesës së prokurorisë. Megjithëkëtë, kryeministri Kurti ka shprehur gatishmërinë t’i mirëpres prokurorët e rastit në zyrën e tij në një ditë dhe orë të dakorduar nga të dy palët për të përmbushur kërkesën e dalë nga ftesa e prokurorisë”, ka thënë Kryeziu. 

Sipas prokurorëve, Kurti është thirrur të dëshmojë në një rast për një vepër penale nga neni 414 i Kodit Penal, i cili ka të bëjë me keqpërdorim të pozitës apo autoritetit zyrtar.

albin kurti

Sondazh

Poll

MË SHUMË