Politike

Dyshime për krime në Lotarinë e Maqedonisë së Veriut/ Policia bastis shtëpinë e Artan Grubit dhe Përparim Bajramit, ish-drejtorit iu gjetën në banesë 50 mijë franga zvicerane

rtan Grubi nuk është gjetur në shtëpinë e tij në momentin kur janë zhvilluar kontrollet. Ai ndodhet në Kosovë dhe ka theksuar se është për vizitë private dhe do të kthehet përsëri në Maqedoninë e Veriut.

16 Dhjetor 2024, 11:16 Nga N.F
Dyshime për krime në Lotarinë e Maqedonisë së Veriut/
Artan Grubi

MAQEDONI E VERIUT- Policia maqedonase ka bastisur mëngjesin e sotëm shtëpinë e ish-zëvendëskryeministrit të Maqedonisë së Veriut, Artan Grubi. Më tej bëhet me dije se po ditën e sotme është zhvilluar edhe një bastisje në shtëpinë e ish-drejtorit të Lotarisë së Maqedonisë, Përparim Bajrami.

Sipas raportimeve këto bastisje janë bërë rreth dyshimeve për krim në Lotarinë e Maqedonisë së Veriut. Artan Grubi nuk është gjetur në shtëpinë e tij në momentin kur janë zhvilluar kontrollet. Ai ndodhet në Kosovë dhe ka theksuar se është për vizitë private dhe do të kthehet përsëri në Maqedoninë e Veriut.

Gjatë kontrollit në shtëpinë e ish-drejtorit të Lotarisë së Maqedonisë, Përparim Bajrami, as ai nuk është gjetur në shtëpi. Mediat vendase raportojnë se në shtëpinë e ish-drejtorit Përparim Bajrami janë gjetur, 50 mijë franga zvicerane.

Departamenti Amerikan i Shtetit më datë 9 dhjetor ka futur në listën e zezë ish-zv.kryeministrin shqiptar të Maqedonisë së Veriut, Artan Grubi dhe gjyqtarin Enver Bexheti. Te dy ata janë shpallur "non grata" pasi akuzohet se janë përfshirë në korrupsion.

Sipas DASH Grubi dhe Bexheti kanë pranuar ryshfet për të minuar proceset gjyqësore të lidhura me dënimin penal të drejtorit të Administratës për Siguri të Maqedonisë së Veriut dhe Kundërzbulimi, Sasho Mijalkov. Më tej DASH bën me dije se ka shpallur non grata dhe anëtarët e ngushtë të familjes së Grubit.

 

artan grubi përparim bajrami

Sondazh

Poll

MË SHUMË