Sport

Jamal Musiala & Bayern nisin bisedimet: rinovimi në tavolinë, Muller "këshilltar"!

"Mendoj se Jamal e di se sa i rëndësishëm është për tifozët, sa e duan ata”.

1 Nëntor 2024, 13:00 Nga DOSJA

Jamal Musiala & Bayern nisin bisedimet: rinovimi në tavolinë,

GJERMANI - Shtatë gola dhe 4 asistime në të gjitha kompeticionet, dje ‘hat-trick’-u i tij i parë në karrierë, për ta dërguar Bayern Munich në raundin e 16-të të DFB Pokal (Kupa e Gjermanisë). 

Jamal Musiala kishte tërhequr tashmë vëmendjen e të gjithëve për disa kohë, madje edhe para Kupës së Botës 2022 në Katar, por midis sezonit të kaluar dhe kampionatit evropian në shtëpi në verë, ai i mahniti të gjithë dhe në moshën vetëm 21 vjeç, ai është një nga njëzet perspektivat më të mira në futbollit botëror.

Deklarata - Mesfushori sulmues gjerman, i lindur në vitin 2003, ishte në humor të shkëlqyeshëm, pas fitores së lehtë të djeshme, 4-0 ndaj Mainz 05. Ai bëri një deklaratë të rëndësishme për rinovimin e mundshëm të kontratës me klubin bavarez (me të cilin është i lidhur me marrëveshje deri në 2026):

"Nuk mund të them shumë tani. Më mirë të mbetemi pak misterioz",- deklaroi në mënyrë të fshehtë Musiala. Fakti mbetet që Musiala nuk është aq i keq te Bayern dhe kur mori çmimin ‘MOTM’ ai shtoi për Sky Sports DE: "Po, mund ta imagjinoj. Jam shumë i lumtur, po flasim."

Këshilla? Pas ndeshjes së djeshme, Thomas Müller komentoi edhe situatën e Musialës: "Mendoj se Jamal e di se sa i rëndësishëm është për tifozët, sa e duan ata. Jo vetëm te Bayern, por në të gjithë Gjermaninë",- garantoi veterani i Bayern Munichut. “Mendoj se do të bënte mirë të mendonte tre, katër, pesë herë, nëse ndonjëherë mendon të mos qëndrojë këtu”, komenton ai.

B.T (Dosja.al)

Sondazh

Poll

MË SHUMË