Sport

Afatet e seleksionimeve për ekipet e moshave të kombëtares kuqezi!

Federata e Futbollit fton të gjithë të interesuarit të aplikojnë për të marrë pjesë në këtë seleksionim të veçantë, i cili ka për qëllim zbulimin dhe intergrimin e talenteve të reja në ekipet Kombëtare të moshave.

31 Tetor 2024, 19:43 Nga DOSJA
Afatet e seleksionimeve për ekipet e moshave të kombëtares

TIRANE - Në datat 2, 4, 5 dhe 10 dhjetor 2024, Federata e Futbollit do të zhvillojë seleksionime me futbollistët e rinj shqiptarë që jetojnë jashtë vendit, në Europë dhe Botë.

Seleksionimet do të mbahen në ambientet e “Shtëpisë së Futbollit” për të gjithë lojtarët djem, të vitlindjes 2007-2011. Aplikimet kanë nisur tashmë dhe afati i fundit është data 27.11.2024. Federata e Futbollit fton të gjithë të interesuarit të aplikojnë për të marrë pjesë në këtë seleksionim të veçantë, i cili ka për qëllim zbulimin dhe intergrimin e talenteve të reja në ekipet Kombëtare të moshave.

Djemtë e vitlindjes 2007 do të marrin pjesë në seleksionim më 2 dhjetor, ndërsa djemtë e vitlindjes 2008 më 4 dhjetor. Më 5 dhjetor do të jetë radha e futbollistëve të vitlindjes 2009, ndërsa lojtarët e vitlindjes 2010/2011 do të marrin pjesë në seleksionim më 10 dhjetor.

Çdokush që preferon të bëhet pjesë e kësaj eksperience unike mjafton të plotësojë formularin e vendosur në dispozicion nga FSHF dhe ta dërgojë në adresën e e-mail-it: [email protected].

B.T (Dosja.al)

Sondazh

Poll

MË SHUMË