Sport

Botafogo në finalen e Copa Libertadores, do të përballet me Atlético Mineiro...

Pavarësisht humbjes në ndeshjen e kthimit kundër Peñarol, duke gdhirë e enjte (3-1), Botafogo u kualifikua për herë të parë në historinë e saj në finalen e Copa Libertadores, ku do të përballet me skuadrën tjetër braziliane, Atlético Mineiro.

31 Tetor 2024, 13:15 Nga DOSJA

Botafogo në finalen e Copa Libertadores, do të përballet me

URUGUAJI - Do të jetë një finale 100% braziliane në Copa Libertadores, pas kualifikimit të Botafogo kundër klubit uruguajan Penarol.

Pavarësisht humbjes në gjysmëfinale në ndeshjen e kthimit në Montevideo (3-1), natën e së mërkurës, duke gdhirë e enjte, brazilianët ishin në gjendje të kualifikoheshin, pas fitores së tyre të madhe, të arritur në ndeshjen e pare në shtëpi (5-0). Tani, në finale ata do të sfidojnë Atlético Mineiro në finalen e 30 nëntorit.

I dominuar nga Penarol dhe me dy gola në epërsi, Botafogo u lirua kur Thiago Almada zvogëloi diferencën në 3-1 në fund të ndeshjes, duke siguruar kualifikimin e skuadrës së John Textor, pronar i klubit.

“Finalja e parë e Libertadores për Botafogon”,- ka gëzuar shefin e Lyonit, i pranishëm në Montevideo, në një mesazh të publikuar në rrjetet sociale. “Të shkruash histori është e bukur. Por të jetosh në momentin e tanishëm është shumë më mirë!”

B.T (Dosja.al)

 

Sondazh

Poll

MË SHUMË