Sport

Federata Ndërkombëtare e Futbollistëve Profesionistë (FIFPro), tani do të jetë pjesë e Komitetit Ekzekutiv të UEFA-s...

Federata Ndërkombëtare e Futbollistëve Profesionistë tani e tutje do të jetë në gjendje të marrë pjesë në mbledhjet e Komitetit Ekzekutiv të UEFA-s, pas nënshkrimit të një marrëveshje bashkëpunimi mes dy palëve.

30 Tetor 2024, 09:30 Nga DOSJA

Federata Ndërkombëtare e Futbollistëve Profesionistë

ZVICER - UEFA ka nënshkruar një marrëveshje partneriteti me Federatën Ndërkombëtare të Futbollistëve Profesionistë (FIFPro), e cila do t'i japë unionit global të lojtarëve një vend në Komitetin Ekzekutiv të UEFA-s.

FIFPro do të marrë një vend brenda strukturës drejtuese të UEFA-s për herë të parë dhe nga maji i vitit të ardhshëm dhe do të përfaqësohet në komitetin e saj ekzekutiv, fillimisht në cilësinë këshilluese.

“Lojtarët janë në zemër të futbollit dhe mendimet e tyre duhet të formojnë vendimet që merren”, tha presidenti i UEFA-s, Alexander Ceferin.

“Duke i ftuar ata të bashkohen me Komitetin Ekzekutiv të UEFA-s, ne po krijojmë një të ardhme gjithëpërfshirëse për futbollin, ku mirëqenia e lojtarëve është në krye”.

Pas kësaj marrëveshjeje, FIFPro tani do të përfshihet në diskutime për çdo vendim që do të ndikojë në kushtet e punësimit ose ngarkesën e lojtarëve.

Kjo lëvizje synon gjithashtu të kufizojë protestat që kanë qenë kohët e fundit nga shumica e futbollistëve për shkak të rritjes së ndjeshme të numrit të ndeshjeve vjetore.

B.T (Dosja.al)

Sondazh

Poll

MË SHUMË