Sport

ZYRTARE/ Balotelli, më në fund firmos me Genoa: "Shpresoj të jem gati menjëherë"...

Vizita në Grifone, më pas nënshkrimi dhe menjëherë në fushë për t'u stërvitur: në kontratë ka një klauzolë lirimi e lidhur me disa kushte

28 Tetor 2024, 18:17 Nga DOSJA

ZYRTARE/ Balotelli, më në fund firmos me Genoa: "Shpresoj të

ITALI - Ka mbërritur edhe njoftimi zyrtar i Mario Balotellit te Genoa. Sulmuesi i shumëkërkuar në skuadrën Alberto Gilardino, iu nënshtrua ekzaminimeve mjekësore rituale dhe më pas vendosi gjithçka bardhezi me Grifonen.

"Jam i emocionuar, sinqerisht nuk dua shumë të flas, dua të filloj, - deklaroi SuperMario. - Nëse kam zjarr nga brenda? Hajdeni ta shihni... Përshëndetje për tifozët, shihemi në stadium. Le të shpresojmë për më të mirën, do të jap gjithçka, - shtoi ai. - Kur do të jem gati? Shpresoj së shpejti."

I shoqëruar nga vëllai i tij, Enock, trajneri i tij personal i atletikës dhe stafi mjekësor i Genovas, në përfundim të testeve fizike, “Balo” u paraqit në qendrën sportive për të firmosur kontratën dhe pasdite iu nënshtrua seancës së parë stërvitore nën urdhrat e Gilardinos. Ai do të veshë numrin e tij klasik 45.

Balotelli e nis aventurën e tij në Genoa

Për SuperMario, i cili rikthehet në Serie A pas aventurës së tij në Brescia në 2019/20 (në Itali eksperienca e tij e fundit ishte te Monza në sezonin 2020/21), ka një kontratë deri në qershor 2025 me vlerë 400 mijë euro bruto, e lidhur me bonuset, në të cilën ka edhe një  klauzolë lirimi me disa kushte: Genoa do të jetë në gjendje të ndërpresë kontratën deri më 31 dhjetor, nëse nuk është e kënaqur me performancën e tij.

Balotelli ishte një lojtar i lirë pas përfundimit të marrëdhënies së tij me skuadrën turke Adana Demirspor, e cila përfundoi në qershor me një rekord prej 16 ndeshjesh dhe 7 gola. 

Njoftimi zyrtar…

"Mario Balotelli është një lojtar i ri për Genoa. Sulmuesi italian, i lindur në Palermo më 12/09/1990, ka nënshkruar një kontratë me klubin e tij të ri. Në karrierën e tij Balotelli ka fituar nëntë tituj në nivel profesional me skuadrat. Ai ishte pjesë në ekipin kombëtar, ku ishte golashënuesi më i mirë dhe nën-kampion në Kampionatin Evropian 2012, duke mbledhur gjithsej 36 ndeshje dhe 14 gola”.

B.T (Dosja.al)

Sondazh

Poll

MË SHUMË