Sport

VIDEO/ Arsenali dhe Liverpool ngatërrojnë njëri-tjetrin në Emirates, përfiton Man.City

Mbrëmjen e kësaj të diele ka përfunduar me rezultatin 2-2 përballja mes Arsenalit dhe Liverpoolit në kuadër të ditës së 9-të të Premier League. Një rezultat që i rendit Reds, të dytët, një pikë pas liderit Manchester City, teksa Topçinjtë të kthehen në podium.

27 Tetor 2024, 21:58 Nga DOSJA

VIDEO/ Arsenali dhe Liverpool ngatërrojnë njëri-tjetrin në

ANGLI - Përpara kësaj fundjave, Liverpool ende nuk ishte përballur me një nga skuadrat që përfunduan në ‘Top 4’ të sezonit të kaluar në Premier League (Manchester City, Arsenal dhe Aston Villa).

Lojtarët e Arne Slot iu nënshtruan një prove të madhe mbrëmjen e kësaj të diele, në fushën e Arsenalit, në kuadër të ditës së 9-të të Premier League. Dhe dolën me nderime, duke rrëmbyer një barazim (2-2), pasi kishin mbetur prapa për një kohë të gjatë.

Në fund, ky rezultat duket mjaft i drejtë, pasi secila skuadër kishte gjysmën e saj, e para dominohej nga Topçinjtë, e dyta nga Reds. Duhet thënë se këta të fundit mundën të përfitonin nga mungesat e shumta të Arsenalit, të cilët në fillim u privuan nga Martin Odegaard (i dëmtuar) dhe William Saliba (i pezulluar).

Topçinjve më pas, të cilëve iu desh të luanin në pjesën e dytë edhe pa Gabriel, i zëvendësuar nga Jakub Kiwior nga minuta e 54-të pas dëmtimit të gjurit… Më pas edhe pa Jurrien Timber, i cili gjithashtu duhej t'i jepte vendin në minutën e 76-të të riut Myles Lewis-Skelly, i cili çuditërisht preferoi Oleksandr Zinchenko.

Prandaj skuadra e Mikel Artetës e përfundoi ndeshjen me një mbrojtje eksperimentale, të përbërë nga Thomas Partey, Ben White, Jakub Kiwior dhe Myles Lewis-Skelly.

Për fat të mirë të Arsenalit, Bukayo Saka, i pasigurt para ndeshjes, ai që nuk kishte luajtur për Arsenalin që nga 5 tetori, ishte aty. Dhe ai realizoi (9’) në një pjesë të parë emocionuese, duke hapur rezultatin me një goditje të fuqishme nga e majta për 1-0. Goli i dytë i londinezëve erdhi pas një goditjeje dënimi të Declan Rice, ku Mikel Merino (43’) shënoi me kokë 2-1, goli i parë i tij në klubin e ri.

Ndërkohë, Liverpool kishte barazuar 1-1 me në gol të Virgil van Dijk, me kokë (18’). Të dominuar në intensitet në periudhën e parë, veçanërisht në mesfushë, Reds u treguan më sipërmarrës pas pushimit, pa u treguar vërtet të rrezikshëm, pasi asnjë nga përpjekjet e tyre, qoftë nga Diaz (51’), Alexander-Arnold (59’), ose Ryan Gravenberch (65’), nuk e vunë në vështirësi të vërtetë David Raya.

Por në fund ishte i pashmangshëm Mohamed Salah (81’), ai që gjeti golin e barazimit 2-2 pas një krosimi nga Darwin Nunez. Ky barazim i lejon Reds të konsolidojnë vendin e tyre të dytë në renditjen e Premier League, duke mbetur një pikë larg Cityt, por gjithashtu i lejon Arsenalit të ngjitet në vendin e tretë, katër pikë prapa kundërshtarëve të ditës.

B.T (Dosja.al)

Sondazh

Poll

MË SHUMË