Aktualitet

Ndërtuan beach bare dhe vendosën çadra pa leje, procedohen dy persona në Gjipe

Për pasojë janë sekuestruar 120 çadra dhe shezlongë.

18 Korrik 2024, 14:08 Nga S.B
Ndërtuan beach bare dhe vendosën çadra pa leje, procedohen dy
foto ilustruese

GJIPE- Procedohen penalisht dy persona në Gjipe. Mësohet se Ll.Sh dhe A.Z kishin ndërtuar pa leje dy beach bare, si dhe kishin zënë hapësirën publike duke vendosur çadra e shezlongë.

Për pasojë janë sekuestruar 120 çadra dhe shezlongë. Gjithashtu, Agjencia Kombëtare e Zonave të Mbrojtura, ka vendosur masë administrative, si dhe masë plotësuese për kthim në gjendjen fillestare të hapësirës së zaptuar në mënyrë të paligjshme nga këta dy persona.

Njoftimi i Policisë:

Në kuadër të planit operacional policor të koduar “Plazh i lirë”, Policia kreu kontrolle në vijën bregdetare, me qëllim lirimin e hapësirave publike në plazhe. Lirohet hapësira në vijën bregdetare, në Gjipe.

Procedohen penalisht 2 shtetas, të cilët ndërtuan pa lejen e organeve kompetente, 2 struktura druri (beach-bar) dhe zunë hapësirën publike në këtë zonë të mbrojtur, duke vendosur çadra dhe shezlongë.

Sekuestrohen 120 çadra dhe shezlongë. Në kuadër të planit operacional për kontrollin e vijës bregdetare dhe lirimin e hapësirave bregdetare të zaptuara në mënyrë të kundërligjshme, nga subjekte të ndryshme që ndërtojnë pa leje dhe vendosin çadra dhe shezlongë, Komisariati i Policisë Himarë dhe Stacioni i Policisë Dhërmi referuan materialet në Prokurori ku nisi procedimi penal për shtetasit Ll. Sh. dhe A. Z., të dy banues në Dhërmi.

Shërbimet e Policisë, në bashkëpunim me Policinë Bashkiake Himarë, kanë liruar hapësirën publike, duke hequr 120 çadrat dhe shezlongët që ishin vendosur pa lejen përkatëse, në Gjipe. Gjithashtu, nga ana e Agjencisë Kombëtare të Zonave të Mbrojtura, për këtë rast, është vendosur masë administrative, si dhe masë plotësuese për kthim në gjendjen fillestare të hapësirës së zaptuar në mënyrë të paligjshme nga këta dy shtetas.

Materialet i kaluan Prokurorisë, për veprime të mëtejshme. Operacionet policore “Coastline” dhe “Plazhi i lirë” do të vijojnë intensivisht në qarkun Vlorë.

gjipe beach bar procedim penal

Sondazh

Poll