Bota

U vranë 270 palestinezë në operacionin e lirimit të 4 pengjeve izraelite, Borrell reagon ashpër: Gjaku duhet të përfundojë menjëherë!

Më shumë se 270 palestinezë thuhet se u vranë në bastisjen e së shtunës për lirimin e 4 pengjeve në Rripin e Gazës.

9 Qershor 2024, 13:58 Nga r.ll
U vranë 270 palestinezë në operacionin e lirimit të 4
josep borrell

BRUKSEL- Shefi i politikës së jashtme të BE-së, Josep Borrell, ka kritikuar ashpër raportet "e tmerrshme” se qindra civilë vdiqën në Gaza gjatë një operacioni izraelit për shpëtimin e pengjeve, ndërsa numri i të vdekurve vazhdon të rritet. 

Më shumë se 270 palestinezë u vranë në sulmin të shtunën, ndërsa ushtria izraelite shpëtoi katër pengje në Gazën qendrore, sipas ministrisë së shëndetësisë të Rripit të Gazës, e drejtuar nga Hamasi.

“Raportet nga Gaza për një tjetër masakër të civilëve janë të tmerrshme. Ne e dënojmë këtë me fjalët më të forta. Gjaku duhet të përfundojë menjëherë." tha Borrell në X. 

Hamasi rrëmbeu rreth 250 pengje gjatë sulmit të tij në Izraelin jugor më 7 tetor të vitit të kaluar, rreth gjysma e të cilëve u liruan si pjesë e një marrëveshjeje njëjavore të armëpushimit në nëntor, sipas  raporteve.

Katër pengjet e liruar të shtunën u liruan pasi Izraeli kreu një operacion special gjatë ditës në një zonë banimi në Nuseirat, Gaza qendrore. Të gjithë ata janë në gjendje të mirë shëndetësore, thanë zyrtarët. Më shumë se 37,000 palestinezë janë vrarë që nga fillimi i konfliktit në tetor, tha të dielën ministria e shëndetësisë e Gazës.

josep borrell lufta izrael-hamas

Sondazh

Poll

MË SHUMË