Aktualitet

Prindërit trafikojnë djemtë adoleshentë në Angli, me ‘bekimin’ e tyre bëhen pjesë e bandave, The Telegraph: R

11 Nëntor 2019, 15:48 Nga DOSJA
Prindërit trafikojnë djemtë adoleshentë në Angli, me

BRITANI E MADHE– “The Telegraph” i ka dedikuar një artikull të rinjëve shqiptarë që nisen ilegalisht në Mbretërinë e Bashkuar për t’ju bashkuar karteleve të drogës.

Në artikull shkruhet, se me bekimin e prindërve, të rinjtë përveçse për një jetë më të mirë nisen për të bërë sa më shumë para pa marrë parasysh rreziqet e përfshirjes në punë ilegale.

Për vetëm 15 mijë paund, adoleshentët të frymëzuar edhe nga grupi “Hellbanianz” mashtrohen nga jeta e luksit që reklamohet në rrjetet sociale dhe marrin përsipër të gjitha rreziqet për të pasur të njëjtin status. E vetmja gjë që marrin parasysh është Policia, e cila ashtu si edhe prindërit e tyre nuk druhet t’i kursejë nga burgu për shkak të moshës.

ARTIKULLI I PLOTË: 

Prindërit në Shqipëri trafikojnë djemtë e tyre adoleshentë në Mbretërinë e Bashkuar për t’u bashkuar me bandat e krimit të organizuar që kontrollojnë pjesë të mëdha të tregut të kokainës në Britani.

Numri i të rinjve shqiptarë që trafikohen në mënyrë të paligjshme në Britani të Madhe me premtimin për të fituar mijëra paund nga shitja e drogës për bandat që operojnë në vend është në rritje.

Procesverbali i gjykatave tregon se shqiptarët adoleshentë, të cilët më së shumti kanë hyrë ilegalisht të fshehur në kamion, janë ndjekur penalisht pasi kapeshin me drogë me vlera më të mëdha se 200,000 paund.

Sipas Agjencisë Kombëtare të Krimit (NCA), Shqipëria është burimi më i madh dhe i vetëm i huaj i trafikimit të njerëzve në Mbretërinë e Bashkuar me 947 raste referuar asaj në 2018, duke pësuar një rritje me 50 përqind që nga 2015.

“Shumica e djemve dhe të rinjve shqiptarë trafikohen me aprovimin e prindërve të tyre dhe premtimin për shpërblim financiar nga trafikantët,” tha Steve Harvey, një specialist ndërkombëtar i zbatimit të ligjit.

“Familjarët janë afruar me trafikantët dhe janë mjaft të angazhuar me mënyrën se si dhe se sa do të përfitojnë nga marrëveshja. Trafikantët dhe shfrytëzuesit u premtojnë atyre para, shumë para, dhe një punë të mirë kur djemtë të rriten. Bashkë me paratë, ata u premtojnë atyre strehim, ose rroba,”- i tha një burim anonim zyrës së hetimit.

“Në disa raste, anëtarët e familjes ishin drejtpërdrejt përgjegjës për rekrutimin dhe shfrytëzimin e viktimave të trafikimit.”

Gangsterët – veçanërisht bandë rruge e ashtuquajtur Hellbanianz që ka në përbërjen e saj të rinj shqiptarë në jug të Londrës – promovojnë stilin e jetës së tyre tek adoleshentët në vendlindje përmes mediave sociale.

Stephanie Schëandner-Sievers, një specialist shqiptar në Universitetin Bournemouth, tha se shfaqja e mirëqënies është thelbësore: Ata dërgojnë mesazhe në shtëpi  se kanë sukses dhe kanë bollëk parash, makina të shpejta, gra, gjerdan ari dhe ora Rolex.

Sidoqoftë, vihet në dukje se kishte edhe fëmijë të dërguar nga familjet e tyre për të pasur një shans për një arsimim të mirë dhe të ardhme më të shëndritshme se ajo që është në Shqipëri. Kjo sjell më shumë të ardhura për bandat e kontrabandës, të cilat vetëm për një kalim të paligjshëm sigurojnë deri në 15,000 paund.

“Trafikantët kanë rekrutë gati sepse prindërit kanë dëshirë që fëmijët e tyre të shkojnë jashtë vendit dhe kanë dëshirën për t’i dërguar jashtë sa më të rinj,” thuhej në një raport të Zyrës së Brendshme.

Tipik është rasti i Endrit Vishajt, i cili hyri në Angli ilegalisht në moshën 16 vjeçare, i fshehur në një kamion që e solli në Solihull në Midlands. Tani, 18 vjeç, ai po vuan dënimin me katër vjet e katër muaj burg për tregëtim të kokainës.

Ai u kap në një park automjetesh në Bilston duke drejtuar një BMË në të cilën oficerët e policisë gjetën dy qese një kilogramë kokainë të cilësisë së lartë me vlerë 200,000 paund dhe me 55,500 cash para të gatshme – i riu paguhej për punën e tij vetëm 1000 paund.

Një tjetër është Klevis Drazhi, 20 vjeç, i kapur me 11 doza kokainë në Moorgate, Londër, dhe është burgosur për 18 muaj. Në Gjykatë, ai pretentoi se ishte detyruar të furnizonte drogë nga një anëtar i mafies shqiptare, pasi hyri në mënyrë të paligjshme në Mbretërinë e Bashkuar dhe i duhej që të paguante borxhin.

Alfred Hamzaj, 22 vjeç dhe u burgos për tetë muaj pasi u kap me katër kilogramë kanabis. Ai pretendoi se ai kishte rënë pre e rrjetit pasi kishte humbur punën e tij në një lavazh dhe për shkak të statusit të tij si emigrant i paligjshëm nuk kishte asnjë zgjedhje tjetër,

Por ka edhe raste të tjera. Adnani u detyrua që të emigronte që  16 vjeç pasi njerku i tij e kishte nxjerrë nga shtëpia. Ai u nis për në Angli pasi ishte vendi kur dikur kishin jetuar prindërit e tij.

Në kërkesën e tij për azik ai thoshte: Nuk mund të kthehëm në Shqipëri pasi nuk kam njeri. Askush nuk kujdesej për mua. Dua të vazhdoj shkollimin tim. Nëse kthehem do të lihem në rrugë. Nuk e di se si do ta përballoj. ”

Ai humbi të drejtën për të qëndruar në vendin ishullor dhe menjëherë pas mohimit ai u zhduk nga vendi ku edhe mbahej.  16-vjeçari në vend që të jetojë në rrugëve të Shqipërisë, ai tani është një fëmijë pa dokumente që endet në Mbretërinë e Bashkuar.

Përkthyer nga The Telegraph

(k.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet hellbanianz trafikimi i te rinjve ne angli hellbanianz trafikimi i te rinjve ne angli

Sondazh

Poll

MË SHUMË