Aktualitet

EMRI/ I shpallur në kërkim ndërkombëtar për drogë nga Italia, arrestohet 31-vjeçari në Malësinë e Madhe

Sipas njoftimit të policisë i arrestuari është Kristian Uldedaj dhe bëhet me dije se ai ishte pjesëtar i një grupi kriminal që për një periudhë 7-vjeçare trafikoi 3.4 tonë cannabis sativa dhe 35 kg kokainë në Itali. 

2 Shkurt 2024, 11:12 Nga N.F
EMRI/ I shpallur në kërkim ndërkombëtar për drogë
Foto ilustruese

MALËSI E MADHE- Një 31-vjeçar është vënë ne pranga pasi ishte shpallur në kërkim nga autoritet italiane për drogë. Sipas njoftimit të policisë i arrestuari është Kristian Uldedaj dhe bëhet me dije se ai ishte pjesëtar i një grupi kriminal që për një periudhë 7-vjeçare trafikoi 3.4 tonë cannabis sativa dhe 35 kg kokainë në Itali. Gjithashtu, këtij grupi i janë sekuestruar 195 953 euro dhe 1430 franga të përfituara nga kjo veprimtari kriminale.

Njoftimi i policisë 

Inteligjencë policore dhe koordinim me partnerët, për lokalizimin dhe kapjen e shtetasve të shpallur në kërkim ndërkombëtar. Finalizohet operacioni policor i koduar “Jeran”, nga shërbimet e Drejtorisë Vendore të Policisë Shkodër dhe ato të Komisariatit të Policisë Malësi e Madhe. Pjesëtar i një grupi kriminal që për një periudhë 7-vjeçare, trafikoi në Itali, 3.4 tonë cannabis sativa dhe 35 kg kokainë, arrestohet me qëllim ekstradimin, 31-vjeçari.

Si rezultat i shkëmbimit të shpejtë të informacioneve të siguruara në kuadër të megaoperacionit “Sundimi i ligjit”, ndërmjet Interpol Tiranës dhe Interpol Romës, për vendndodhjen e një shtetasi të shpallur në kërkim ndërkombëtar, shërbimet e Drejtorisë Vendore të Policisë Shkodër dhe ato të Komisariatit të Policisë Malësi e Madhe finalizuan operacionin policor të koduar “Jeran”. Gjatë operacionit u kap dhe u arrestua provizorisht, për t’u ekstraduar në Itali, shtetasi K. U., 31 vjeç. Gjykata e Milanos i ka caktuar 31-vjeçarit, masën e sigurisë “Arrest në burg”, për veprën penale “Trafikimi i narkotikëve”, në kuadër të grupit kriminal, sipas parashikimeve të Kodit Penal të Italisë.

Nga hetimet rezultoi se grupi kriminal në të cilin ishte pjesëtar shtetasi K. U., gjatë periudhës 2015-2022, ka trafikuar në Itali, rreth 3.4 tonë cannabis sativa dhe 35 kg kokainë. Gjithashtu, këtij grupi i janë sekuestruar 195 953 euro dhe 1430 franga të përfituara nga kjo veprimtari kriminale. Interpol Tirana vijon të bashkëpunojë me homologët në Romë, për ekstradimin e këtij shtetasi.

malesi e madhe arrestim droge

Sondazh

Poll

MË SHUMË